يابـنـت بـالــك لا يـغــرك شيـاطـيـن=حـــذراك لايـغــرك كـــلام الـذيـابـه
يقول أحبك وأعشقك مـوت تدريـن=أمـوت بـك ياشـوق شـوق الكتابـه
ويقصـلـك قـصـت حـيـاة المحـبـيـن=يقـول أحبـك وانتـظـر مـنـك أجـابـه
ويفرش لك الوردالحمر والبساتين=ويعطيـك مـن حلـو الكـلام بـذرابـه
والله يخسي ولد المطي لا تصدقين=ملعـون خايـب يخـزن الـسـم نـابـه
تكفـيـن ثــم تكفـيـن يابـنـت تكـفـيـن=لاتدنسـيـن اسـمـك ومنـهـو وفـابـه
أخـــوك لامـنــه قـعــد بـالـدواويــن=يقعد وراسـه فـوق فـوق السحابـه
يابنـت والله سمعتـك فـوق الاثنيـن=سمعتك من سمعة عرب لك قرابه
سمعتك ثم سمعتك تسـوى ملاييـن =ثـم سمعتـك ثـم سمعتـك والمهابـه
وأن قال أحبك أفهمـي وش ترديـن قولـي=المحبـه بالـردى لـي معـابـه
وقولي له أهلي بالملاقى سلاطيـن= ودرب الدنس ياورع محدن مشابه
هـذا كلامـي وقولـي اللـي تقولـيـن = (اللـي يبيـك يـدل بيتـك وبابـه )
والخاتمه يابنت طعـم العسـل زيـن=مـيـر الـبـلا الـيـا دنستـهـا الذبـابـه