![]() |
يـــا نــفـســي .. يا روحي اللي عن الهفـوات مانعهـا=لو كان من صوبها يحدانـي الحـادي هي ودها تمشي بدربٍ مـا ياسعهـا=وأنـا مـاودي بـدربٍ فيـه نقـادي أجاهد النفـس ليـن تصـد وأقنعهـا=عن زاد ماهـو بقـدر لـي ولازادي مطاعـة الله فـي دربـي تطوعهـا=اليا هدى الله روحي صحصح فـؤادي روحي على اللي خلق روحي مودعها=عسى وأنا أبو فهد يهدينـي الهـادي يازين صوت المؤذن يـوم ينشعهـا=اللـي يكبـر بآيـات الله ويـنـادي الله أكبـر علـى الأفـاق ماأوسعهـا=الخير والشر فيهـا صـار متـلادي المؤمن اللـي يفكـر فـي موادعهـا=عنده يقين إن بعد الـزرع حصـادي والجاهـل اللـي يباريهـا ويذرعهـا=يرصد لها في خلايا مخـه أرصـادي ماهمـه إلا مـن الأمـوال يجمعهـا=ويعانق الطايـرات وجوهـا الهـادي من طاوع النفس قامت به على أربعها=وأومت به وماي لين يحدر الـوادي إليا انحدر حولت به فـي مصانعهـا=مصانـع الـذل والخبيـة والأنكـادي أمسى مع البوم وأصبح في مواقعهـا=تحول الصقر بـوم وصـار ينقـادي ياصقر عود بروح الصقـر وأرفعهـا=العـار والـذل مالـك فيـه مقعـادي الروس ماعابـت الإ مـن تصدعهـا=خيب رجاها السموم وسـم الأكبـادي اللي من الغـرب وزعهـا موزعهـا=وعربيا تشتريهـا كـاش وأقصـادي القبح في وجهـه شاريهـا وبايعهـا=قطاعـة الديـن لا قـوة واعتـادي الله وأنـا مصلـح العيـاد يقطعهـا=قطع الرشا فـي قليـب جـاه ورادي النفس تبغـا لهـا رجـل يصارعهـا=رجال ماهـو قليـل ديـن وربـادي تـرى الرياجيـل معروفـه طبايعهـا=صدق ونزاهة وديـن وزاد وزنـادي غض النظر واقصر الخطوة وسنعهـا=احفر بها حفـرة الميـت والإلحـادي ادخل بهـا منـزل الميـت وسمعهـا=صياح الأحفـاد والزوجـة والأولادي اخذ الجنازة علـى متنـك وشرعهـا=بالقطن والشاش والكافـور والكـادي اربـط كفنهـا وجودهـا وشيعـهـا=على النعش لين تاصل بيتها العـادي اليا طويـت اللحـد مندونهـا دعهـا=اسحب عليها تراب القبر من غـادي رح للعنايـة وعايـن فـي ودايعهـا=جسم بلا روح وأرواح بلا أجسـادي تعيـن الأجهـزة واسمـع لعالعـهـا=لاتنشـد أحـدٍ ولا ينشـدك نشـادي حتاك تروي خـدودك مـن مدامعهـا=تشوف ماشاف غيرك يابن الأجوادي ورح للمساجين وانشدها وش أودعها=في منـزلٍ ماتهنـت فيـه مرقـادي السجـن ضيقبهـا والقيـد موجعهـا=سد الحراسات من ضبـاط وأفـرادي رح للفقراء وعاين فـي مضاجعهـا=وأعلم ترى الخافيات أدهى من البادي العسر خلى الرجال تعـض أصابعهـا=ياما كسر من مقام وكسـر أوتـادي مايطعـم المـرة إلا مـن تجرعهـا=انشد مجرب يجيـك بعلـم الأوكـادي الطيبة في المكـان الطيـب ازرعهـا=انفق من المال لاتطغيـك الاعـدادي ابعد عن الشـر والفتنـة ومولعهـا=النار تمسي شرار وتصبـح رمـادي ارفق على النفس واحذر من تراجعها=خلك مجاهد جهـادٍ صـدق ومفـادي على الهوى واصل الرحلـة وتابعهـا=ارجع كمـا كنـت ماعنهـا تلـدلادي أصل المحـلات الأربـع لاتقاطعهـا=حتى لو صدفةٍ مـن غيـر ميعـادي ميصالـك إلهـا يذكـرك بمنافعـهـا=فزعـة وجزعـة وتذكيـر وتعبـادي ترى الوداعة بترجع عنـد مودعهـا=والصفحة تبيـن الممتـاز والعـادي لابد مـن يـوم ينزعهـا منازعهـا=تـدور اللـي يذكرهـا التشـهـادي مهما تطول العمـار اللحـد مرجعهـا=رعيان الأدباش وإلا ملوك وأسيـادي الشاعر / مصلح بن عيااد ااحارثي ( صح لسانك ) |
رد: يـــا نــفـســي .. مايطعـم المـرة إلا مـن تجرعهـا انشد مجرب يجيـك بعلـم الأوكـادي :073::073::073: الطيبة في المكـان الطيـب ازرعهـا انفق من المال لاتطغيـك الاعـدادي :073::073::073: ابعد عن الشـر والفتنـة ومولعهـا النار تمسي شرار وتصبـح رمـادي الله الله اخوي سهم أبيات ونعم الابيات صح لسان الشاعر وتسلم يمناك |
رد: يـــا نــفـســي .. عادتك الجزاله وصح لسان الشاعر ابن عياد لاهنت على التواجد المميز |
رد: يـــا نــفـســي .. سهم الفريدي كم كنت شهماً وكريماً بنقلك ونشرك لمصلح بن عياد الحارثي لاهنت ودام تواجدكــــــــ تحيتي |
الساعة الآن 08:55 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir