الله مـن قلـب ضلـوعـي شكـنـه=قام يتحـرف بينهـن تقـل عفريـت
لـولا اليـا مـن الضلـوع ادحمـنـه=جذبـت بحبـال النسـم ثـم ونيـت
مـن لجـة الصنـدوق جريـت ونـه=والا ايتفجـر بـه تفجـر دنامـيـت
ياليت اخو جـوزاء درى ويـش اكنـه=يـوم ان مرسالـه وصلنـي وقفيـت
ابيـه للـي مـا يـعـرف المحـنـة=يمشي على ريح الندى وطيب الصيت
اليا جاك طاوي من نحى البعـد شنـه=تعمى عيـون المبغضـه والشماميـت
والا فانـا حسـب اعتقـادي مظنـه=صافي حلالك لـي والصيـت والبيـت
وآ فـرك يـا عليـان مذهـب وسنـه=ياطيـب الرفقـه غنـاة الشحاتـيـت
خـوذ الحقيقـة غيرهـا لا تظـنـه=هذا يابو ماجـد هـو اللـي توريـت
لكن ترى المعصـوم جـوف المجنـة=لو لاي عرضه للخطاء مـا استحسيـت
مار الخطـاء واللـي علـي اوزمنـه=فيهن لميـزان الوفـاء وذمتـه جيـت
جنـك وعنـدك ثوبـهـن يلبسـنـه=لو قلت فيه من الخطـاء كبـر حليـت
ما انته مركـب للجمـاء غيـر سنـه=اليا قلت لي مخطي تـراي استقريـت
ياريـف مـن غبـر الليالـي وطنـه=قامن يحطن له علـى الـزاد حلتيـت
واليـا دنـوا لمكاظـمـات الأعـنـه=حـد البتيـرا مـن منايـا الزناتيـت
كـم فـارس حـدب الغـوارب كلنـه=عندي خبر وين ومتى اليـا تقصيـت
وصفحـات تاريـخ الفعـول احفظنـه=ميراث حـيٍ للمضاييـن عـميـت
مـا ينكـره عاقـل ولا فيـه مـنـه=علـم اليـا قلتـه وقفـت وتحديـت
وكـم خيـر غبـر الليالـي قصـنـه=ناداك ما يظهر من السـوق كبريـت
جـود يـده بيديـك ليـن ارفعـنـه=اصبح يباهي فـي وسيـع الحوانيـت
وكـم واحـدٍ يـوم البـلاوي بلـنـه=دونـه فعلـت المستحيـل وتماديـت
لين انتزعـت اعفـاه ماخـاب ظنـه=اليا جاك طلاب الجدا قمت واجديـت
علـمٍ ملـفـات الطـلـب يثبتـنـه=مع الشهـود اللـي قعـود مصانيـت
ولكـل نجـر وكـل دقــاق دنــه=ماهي تصاويتٍ علـى غيـر تثبيـت
السيـف سلـه والذهـب مـن مغنـه=ولكـل دارٍ بفـارق الوقـت توقيـت
يااهـل السنـان اللـي بليـا مسنـه=شوفـه يخلـي دم الابطـال شربيـت
ياطـا العظـام وينتـهـي ماحـدنـه=كـن الشبـاه مـدرعٍ حدهـا اجليـت
ذيـب السرايـا اخدودهـا يسبعـنـه=اليا فرعت راحن مثـل شعـة الليـت
نـورٍ معاصيـر الـرمـك يبرمـنـه=نوبٍ عمـود ونـوب مثـل التواليـت
اليـا عسـم المحـراف ثـم اردمنـه=شعث النواصي راح مثـل المخاشيـت
مـن دون وضـحٍ للمصاغيـر حنـه=والفاف ومروبـعـات للقـواصـر منابـيـت
برفافهـن للهيــل والـعـود بـنـه=كيف النشامـا تاجـده كـل ماجيـت
للجـار والـزوار والضيـف جـنـه=اليا جيتهـم قلبـك مريـضٍ تعافيـت
كـم نـاظـرٍ راداتـهـم يجبـرنـه=بالمـال والا مصقـلاتٍ سواحـيـت
اليـا زارهـم قالـوا لزومـك تمنـه=بالـمـال والا مـدامـي ماتثـاريـت
قيد جملك ان شيت وان شيـت ثنـه=بين البيوت اللي لهلهن تعنيت
من طارد امهارنا يتعبنه=قـرة اعيونـك لاحــق ماتمنـيـت
واليـوم يـا هـداج ذوقـه وفـنـه=اليا حن عليان الجمل بالروى ارهيـت
الجـو حامـي والـسـواري مكـنـه=اليا وقفـن عيـون الابيـار جميـت
اقولهـا فـي كـل عـالـي وقـنـه=اليا هايـف المرقـاب ليـه وغني
واللي يطيـح مـن السمـا ينطحنـه=اوتار الارض اللـي سـواة المثابيـت
اليـا صـار عنـدي للقرينـه اقرنـه=كنفـت بيتـي بالـدلايـل وغنـيـت
مااقـول قـولٍ فـي مدالـيـه لـنـه=شفت ووقفت وجيت عدلين واوحيـت
واللـي عيونـي شاهـدن ترجمـنـه=جـوارحٍ فـي مستواهـن تفانـيـت
اليـا علقـن البيـت ثـم ادرجـنـه=علـى صفاتـه يتبعـون النواحـيـت
اليـا مـاج دم القلـب ثـم اطرقنـه=تخاطبـن مخاطـب النـار والـزيـت
واللـي جـوارح ضامـره يجهلـنـه=ذاك ان مشى خرتيت وان طار خرتيت