![]() |
عيش عمـرك ذيـب تسلـم مـن مخاليـب الذيـابـه من عرفت العلم وانتي يا الليالي سرمديه=والوصول اغلا طموحات الفتى بأول شبابه والمهابه ماتهادت غير لنفوس رديه =ليت في قلب الليالي للفتى قدر ومهابه دنية تجمع صفاتين الخجل والعنجهيه =كنها بنت يزود حسنها ثقل وذرابه يوم جتني تمتحني في زمان الجاهليه =جيتها رجل تحلى في تقاليد الصحابه بالعطا تبخل علي وبالعذاب تموت فيه =عشتها قلب شجاع يكره الضيم ويهابه بس ابدري وش نهاية وصلها وآخر هديه=وهو صحيح ان القصايد للجريح أول عذابه ومن عرف لك يا الليالي وانتي اكثر من هويه=من تلحف في ترابك مقتنع بلي جرى به من قدر يفرض طموحه في زمان المعمعيه =من من الناس يتجرا يتركك وانتي ترابه السؤال يعيد نفسه والإجابه مبدئيه=ليت والله ماتكوني مبدئيه يا إجابه الرحوم يخون ناسه والخوي ينسى خويه=والقلوب اللي تخالف ودها صارت تشابه والخلايق ماتسوي طيبها جود وحميه =كلنا نضحك بوجه مبتسم للغدر نابه لو يصير الموت راعي..كلبونا له رعيه=لو زعل نزعل ونرضى لا رضى حضرة جنابه والله اني مانويت اكشف ملفات القضيه =لكن اني شفت شي يفقد العاقل صوابه يا الحياة انتي غديتي بالغرابيل أجوديه=كنك اللي مايميز بالخطا غير ارتكابه ماعطيتي غير جرح ولعنبوها من عطيه =والله انك ماعطيتي خير للقلب وصوابه خاينه..منتي عزيزة خافقي يا الأجنبيه=جنبي عني وأجنب عن مداهيل الغرابه وآخذ بدرب يردك للقى روحه وجيه=يايموت الدرب ولا بدفن القلب بضبابه وان ذبحتيني تمني رجعتي وابكي عليه=لين تملين المحاجر بالبكى حزن وكآبه وادفنيني بين ظلك والخيوط العسجديه =لو لقيتي بعد موتي واحد بنفس الصلابه شاعر قدم قصيده لا غلب أيامك ضحيه=بين ناس مايطيقون القرايه والكتابه يازماني لو بقى للشعر في صدري بقيه=بكتبه وارسم خيالي بالورق واروي سرابه وكان ردت للعناد وعودت للمقدريه=والله اني ما اتنازل لين اعديه السحابه يازمان مبتلي به وابتلى فيني بليه=لا تلوم اللي يخونك كان له عقل ولبابه بقفل القلب المشقى عن هبايبك العتيه=ودق بابه من بعدها لو قدرت تدق بابه الحياه اللي تسمي لعبة الشاطر خطيه =ماتساوت في عيوني مع جناحين الذبابه اذكر اني كنت عايش باليال الأوليه=واذكر اني كنت عايش وقتها بأحضان غابه ماعرفت إلا عبارة مثلها مثل الوصيه=عيش عمرك ذيب تسلم من مخاليب الذيابه |
رد: عيش عمـرك ذيـب تسلـم مـن مخاليـب الذيـابـه اخوى عبد العزيز النومان أليست القصيده لحامد زيد؟؟؟؟؟؟؟ شكراً لك الأضافه الجميله لشاعر رائع تحيتي |
رد: عيش عمـرك ذيـب تسلـم مـن مخاليـب الذيـابـه يــاهلابــك اخـــوي غـــازي شرفنــي مــرورك نعـــم القصيــده لشـاعـر حـامــد زيــد |
الساعة الآن 11:55 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir