مجالس الفرده - عبدالله العلاوه يا عبيد قبل إشراقة النور يا عبيد

يا عبيد قبل إشراقة النور يا عبيد = أطرت علي أم الوصوف العديمه
لو قالوا أقبل عيد والا انتهى عيد = ما للفرح عندي فذا العيد قيمه
عيدي مثل عيد المساجين فالقيد = الهم سجني والفراق الجريمة
للحزن في وجهي رسوم وتجاعيد = غير الهموم اللي بقلبي مقيمه
ضامي واعاند وافتخر واطوي البيد = والليل يهدي لي بقايا نسيمه
ضيعت من حزني طريق المواريد = وأمطر علي الجو من دون غيمة
يا بنت لك ذكرى وباقي مواعيد = تقبل علي بكل صدق وعزيمة
منها ومنك ومن حضوض المقاريد = عساني أسلم والسلامه غنيمة
أما خذيها كاش من غير تقصيد = وإلا قضيتي العمر وانتي يتيمة
يقولها شاعر تعذب من الغيد = من جور فرقاهن شعر بالهزيمه
للعيد فرحه وين هي فرحة العيد = العيد جدد بي جروح قديمه