اليوم كلٍ شيخ لو هو اتباعه=واخر الزمان يصير شيخٍ ومتبوع
واللي من اول ماخذوها اقلاعه=تصعب عليهم بالمثل حبة الكوع
اليوم راحت في ايديهم اطماعه=واللي قنب بالصوت ماضن مسموع
ماعاد ينفع لو نخا له جماعه=تجيه مع صيحاتهم فوج وجموع
واليا دخلت بقلوب اهلها الرعاعه=ماعاد باقي بك من العز قرطوع
منزال راع الطيب فوق الرفاعه=يعيش ويبقى راس شرواه مرفوع
وكم واحد ماتظن فيه اللكاعه=واليا تبيّن ناوي كم مشروع
وقت الرخا بالهرج ياطول باعه=وقت القسا كنه على الوجه مصفوع
لاشاف من وقتك عليك انهزاعه=يبعد بعد نجران عن حد ميقوع
تكفيه من عسرات الأيام ساعه=خوة دهر ساعه من الوقت منزوع
ويالله ياللي روح خلقه وداعه=انك جنبنا غثا كل مصروع
الوقت ليل وكاثراتن اضباعه=قامت تناهش والبلا مابها جوع
اما طمع والابلاها دناعه=هذي صفات اللي عسى عمره اسبوع