هلآبك شعر ياروح القصيد وروعة التصوير=هلآبك يااول حروف القصيد ويا اخر افكاري
تعال اجلس على شاطي الغرام اللي رماله غير=نسولف للبحر عن قصة البياع والشاري
تعال نعلق الأمال فوق وللسحاب نطير=على متن القصيد وزادنا من دفتر اشعاري
تعال انصافح الغيـمه تعال نعانق التفكير=تعال انفض جروح الزمن من شنطة اسفاري
كفايه يازمان من التعب والهم والتعكير=كفايه يازمن لاتحداني وأبوح باسراري
تعبت وماتعبت الا تعبت وخانني التعبير=ولكن ما انهزمت وزاد من عزمي وأصراي
تعبت من الوجيه اللي تبسم قصدها تمرير=وإذا قفيت جاتك طعتنين ً دمهن جاري
نسيتك يا اول المشوار أسف ياصباح الخير=انا كلي اسف وارجوك تقبل باقة اعذاري
تعال نعيش دنيانا وخل اللي يصير يصير=تعال ولآمس جروح الزمن ياحي هالطاري
لأنك لولمست الجرح فوراً اشعر بتخدير=يطيب الجرح وهذا ما وصل في عالم افكاري
تعال اسمر على شاطئ الغرام اللي حديـثه غير=تعـال وعلم الشاطئ بأني للغلا شـاري