![]() |
الله يــبــيــض شعر راسه وعينه الله من قلباً له أسنين مهمــــــــــــوم=مدري مصير المقبله من سنينه قلب العـنا يفطرعلى الهم ويصـــــوم=لوكان يملاه الامل والسكــينه كنه يصــــارع جيش فارس مع الروم=سود الليـــالي بيحت له كنينه لاشك أنا في تالي الوقـت مصـــــدوم=صدر الشمالي ضاق ياعارفينه الصاحب اللي صار من حسبة القـوم=وبدى يطــلع للاوادم دفـــــــينه بارالرفيق وبدل أطبـــــوع وأسلـــوم=وكنا لحزات القسـاء ذاخـرينه من سبته عيني جفــــت لــذة النــــوم=ياهني من لذ الكرى موق عينه هذا الزمن ياكامل العرف مشـــــؤوم=ترتاب فيه أهل القلوب الفطينه واذا بلنك غبر الايـــــام برخـــــــوم=وأصبح حلــــيف الخير كلً يدينه وحبل الرجاء فالناس ماهـوب مبروم=وصارت به الصـوره حزينه حزينه أخترلك من الناس فاهــــــم وشغموم=هيف السمين اللي أعلومه سمينه يبني علاقات مع أزحــــــول وأقروم=يعد ركن من الركـــــون الركينه من بعد ذا خذلك من القول منظـــوم=أغلى من كنوز الملـــوك الثمينه دام العمر محتوم والرزق محتــــوم=الخــــــــوف لايدخلك تبت يدينه مادام سيرك عــدل منته بمنجــــــوم=وشلك وكلحين الوجــيه المشينه الطيب ماله حد لوكـــــــــان مفهوم=في قمــته بر الـرجل والـــديـنه رافق حلــــيف البر تلقاه ملحـــــوم=وقت القساء تلقى حــــباله متينه المرجـــله ماهي تهاويل وأحلـــــوم=المرجله صـــيد العقول الرزينه المرجـــــله صبراً على الحق ملزوم =ونقل القدم عن مجلس أهل الغبينه المرجــــــله طبعاً مع الناس مقسوم=ماهــــــــيب مالً تحتويه الخزينه الصاحـــــب اللي ينقل أعلوم وعلوم=مثل الذبـــاب يبــــــذ نفسك طنينه هذاك لو ياخـــــــذ معك روج ويحوم=يرجع لســـاســـه والليالي ضمينه ماينفعك لاصرت ضايق ومكظـــــوم=الله يــبــيــض شعر راسه وعينه قلته وأنا ماني من الذنب معصـــــوم=لاشك أنا أقداء النفس عن كل شينه صـلــــوا على خير البشر دايم الدوم=أزكـــى بشر كــــمل به الله دينــه الشاعر خالد العطاوي |
رد: الله يــبــيــض شعر راسه وعينه المرجـــله ماهي تهاويل وأحلـــــوم المرجله صـــيد العقول الرزينه المرجـــــله صبراً على الحق ملزوم ونقل القدم عن مجلس أهل الغبينه المرجــــــله طبعاً مع الناس مقسوم ماهــــــــيب مالً تحتويه الخزينه المصدر : http://www.alfredah.net/forum/thread...#ixzz1bHxI73yO الله يجعل لنا من المرجله قسمة ومقسوم وننقل للمجالس اعلوم واخبار ثمـــينة صح لسان ابن العطاوي أعطى الأبيات المعاني القيمة وتسلم يمناك ابا يارا دايم بالوجود تجود |
رد: الله يــبــيــض شعر راسه وعينه مشرفنا القدير صح لسان الشاعر خالد العطاوي ولاهنت ابا يارا على النقل والنشر قصيده قمة الروعه تقبل مرورى وتحيتي |
رد: الله يــبــيــض شعر راسه وعينه المرجــــــله طبعاً مع الناس مقسوم ماهــــــــيب مالً تحتويه الخزينه صح لسان الشاعر وسلم الناقل لاهنت ابا يارا |
رد: الله يــبــيــض شعر راسه وعينه ابو يارا تسلم على النقل الجميل . وصح لسان الشاعر . تحياتي |
الساعة الآن 03:54 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir