ما سألتوا صاحب النظرة الخجولة=كيف يسهرني وله وجهٍ صبوح
كيف يظلمني وله طهر الطفولة=كيف يسكنّي وهو دايم يروح
وكيف أنا ألقى ربيعه في فصوله=دام كذبه صادق وصدقه مزوح
له صفاتٍ تورد العاشق ذهوله=مستكين و صامت وكله جموح
أصعب الأشياء و أكثرها سهولة=أغمض الأشياء و أكثرها وضوح
سهل تغرم به وصعب انك تنوله=غامض فـ طبعه و واضح في الجروح
أســـعد بشوفه ولكن ما أطوله=كنّي الوادي وهو أعلى السفوح
يبتسم لا منهم عنّي حكوا له=ولا حكوا لي عنه أعماقي تنوح
لي بـــقلبه شي لكن ما يقوله=وله بــقلبي كلّ لــكنّي أبوح
كنّــه الغيمة و انا أرجي هطوله=مــا نـــزل غيثه ولا برقه يلوح
ما عرفتوا ليه تسهرني فــعوله=وليه يسكنّي وهو دايم يــروح
هو يبيني بسّ أطباعه خـــجوله=وما يبي أغفى وهو وجهه صبوح

المشاركة الأصلية كتبت بواسطة ابوحمد (المشاركة 229349) اشكرك ابو الرجال على الايراد الجزل لاهنت وياليت تؤجلون شعر الغزل الى بعد العيد وهالحين انت مطالب بقصيده في النصح والزهد

لي بـــقلبه شي لكن ما يقوله وله بــقلبي كلّ لــكنّي أبوح
كنّــه الغيمة و انا أرجي هطوله مــا نـــزل غيثه ولا برقه يلوح

المشاركة الأصلية كتبت بواسطة ريم (المشاركة 229447) لي بـــقلبه شي لكن ما يقوله وله بــقلبي كلّ لــكنّي أبوح كنّــه الغيمة و انا أرجي هطوله مــا نـــزل غيثه ولا برقه يلوح قصيده رائعه راقت لي يسلم ذووقك ابو الرجال