|
هل من بشر قصيده اعجبتني كثيراً .... ابي رايكم في المعنى ......وننضوج فكر صاحب هاذه لابيات اتمنى ان تنال اعجاب الجميع عمار يا وآهـس الشاعـر حثيـث اليـراع =وعمار يا صيّبٍ لو مـا طغـى مـا أنتشـر وعمار يا أحلامنا اللي بعـد سـن الرضـاع =نسوقهـا للسـمـاا وتسوقـنـا للقـشـر لكـنْ يـا حلـم الأيـام الآخيـره مـتـاع =النفس .. في عزلـةٍ مامعـك فيهـا خِشـر ما طاح من يانـع البهجـة كلتـه السبـاع =اللـي ورثتـه ميّـه واللـي بقالـي عشـر يا ما عبـر قـارب البُوصـي بليـا شـراع =ويا ما أنصدمنا بشكـل اللـب قبـل القِشـر الحق يُصفـع وفُسـق الخلق كله يُـذاع =ما عـاد نلقـى مساحـه طاهـره للنشـر آظروفنا أكبر من اللي كـان ف/ المستطـاع =وفي ضنكة الضايقه يا أصحاب هل من بشر من يوم شفنا الذمم ف/ أهون وسيلة تُبـاع =أعقول تبغى صقـل وأقلـوب تبغـى وَشـر ومـدام صـوت الآذان بذكـر ربـي يُشـاع =الحمدلله علـى الأسـلام يـا أهـل الفَشـر واللي جعل صلد قلبـي فـي دقايـق رعـاع =مـاذا عملنـا وقدمنـا ليـوم الحـشـر عبد الرحمن السمين الحربي |
رد: هل من بشر واللي جعل صلد قلبـي فـي دقايـق رعـاع مـاذا عملنـا وقدمنـا ليـوم الحـشـر ؟ حياكـــ ومانقلت صح لسان الشاعر ولاهنت يالغالي ولو إنه إستعاض بكلمة صلد كلمه أخرى لكان أفضل عموماً أعجبتني جداً صح لسان الشاعر مره أخرى وتقبل تحيات أخوكـ |
رد: هل من بشر صح السان الشاعر عبدالرحمن السمين الحربي وتسلم ع النقل وطالما أجازها العلامه غازي ابوزوايد فهي مجازه بس بعض الكلمات غير معروفه للعامه وهذا تلف منه مثل يانـع _ البُوصـي _ وَشـر _ صلد مع سؤالي للأخ نواف وش بحر القصيده أنت شاعرولازم الأجابه بدون الأستعانه بصديق تسلم ع الأضافه |
رد: هل من بشر اقتباس:
بعد مره ثالثله ...ادري بتعجبك ..كلك ذوق ابو فيصل .بس ياهو معنى جامد مشكور على مرورك ابو فيصل |
رد: هل من بشر اقتباس:
يابو عمر والله انك تعرف الكفت ..... ولاكن على شان الزوار والناس اللي ماتتسأل ولا تحاول تكتشف..؟معك حق لازم توضييح الغموض في اي موضوع. وبعدين تعال شسمه <<<<<<يفكر اييه ليش ماتكلمت على المعنى.؟؟؟ وش المقصود.... ايش؟؟؟؟ ليش موبلازم ؟؟؟؟ بالعكس يمكن انك كأشاعر مو بصعب عليك بس بس وش ذنب المتذوق يابو عمر على كلا ابو عمر مثل يانـع _ الناضج البُوصـي -اعتقد مثل قديم (ياما عبر قارب البوصي ) مثل قولت (ياما غداء للحاج من جمل) _ وَشـر _ يعني برد بالمبرد او نشر الخشب بالمنشار صلد الصامد او او الجامد [size=6][color=red] اما البحر بحر العرضه والله العلم هاذا اقرب شي له لان الشاعر استخدم التجويد التشكيلي والكلمات العربيه الفصحاء لذالك اتوقع انه بحر العرضه وهو (صبو لي الكيف وارهو لي من الدله) (ياما عبر قارب البوصي بليا شراع) ولاكن اختلا في بعض الإيقاعات اللفضيه واللغويه |
رد: هل من بشر مداخله مداخله البوصي والسنبوك مراكب والجالبوت سفينه وهي مسميات بالخليج اما وشر هو التوشير تسنين المنشار بالمبرد الصلد القوي المتين وهي كلمه إنجليزيه هذا والله أعلم وأجل للجميع التحيه |
رد: هل من بشر ههههههههههههههههههههههههه ههههه خشمك اما غدا للحاج من جمل خخخخخخخخخخخخخخخخخخ والله ان كل اللي قلته من عندي يعني قدح من الراس <<<<<<<اوخص يافارس القبيله بس تصدق عاد ابو ابو فيصل اني حول السالفه في وشر وبعدين تعال................. انا ثقافتي انجليزيه <<<<<<<<<<<<<<بدا بالمهايط قوي او متين بالانجليش ماهو استرنق strong؟؟ اهم شي انها حاجه صلبه <<<<لقا له مخرج عاد اقول ليييييييييييييييييييييييي يك حلوه البيتين يابو فيصل ....يالفيصل يعني السيف يفصل بين ....<<<وش عنده ذا هلا هلا هلا كل من زار متصفحي هاذا |
رد: هل من بشر وعمار يا أحلامنا اللي بعـد سـن الرضـاع نسوقهـا للسـمـاا وتسوقـنـا للقـشـر صح لسان شاعرها وسلم ناقلها وشكراً للاخوه على الايضاحات |
رد: هل من بشر اقتباس: المشاركة الأصلية كتبت بواسطة نواف بن هلال http://www.alfredah.net/forum/elfard...s/viewpost.gif ههههههههههههههههههههههههه ههههه خشمك اما غدا للحاج من جمل خخخخخخخخخخخخخخخخخخ والله ان كل اللي قلته من عندي يعني قدح من الراس <<<<<<<اوخص يافارس القبيله بس تصدق عاد ابو ابو فيصل اني حول السالفه في وشر وبعدين تعال................. انا ثقافتي انجليزيه <<<<<<<<<<<<<<بدا بالمهايط قوي او متين بالانجليش ماهو استرنق strong؟؟ اهم شي انها حاجه صلبه <<<<لقا له مخرج عاد اقول ليييييييييييييييييييييييي يك حلوه البيتين يابو فيصل ....يالفيصل يعني السيف يفصل بين ....<<<وش عنده ذا هلا هلا هلا كل من زار متصفحي هاذا البيتين إضافه من الجضعان لادخل لي بها أراد إقتباس وعمل تعديل اما أنت نعم ثقافتك إنجليزيه ولكن صلد هوصلب وقوي ومتين في آن واحد سوبرديلوكس قوي ومتين سترونج قوي صلد صلب وقوي ومتين في آن واحد تحيتي للجميع |
| الساعة الآن 11:37 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir