مجالس الفرده

مجالس الفرده (http://www.alfredah.net/forum/)
-   مجلس فضاء الشعر (http://www.alfredah.net/forum/alfredah4/)
-   -   خنجرك يستاهل الطعن (http://www.alfredah.net/forum/threads/alfredah32439/)

ريم 10-08-11 02:13 AM

خنجرك يستاهل الطعن
 

مابقى الا سود الايام تحرمك الرقاد =كيف الاوهام اتجرأ اتسريك مغبون
من متى تجزع من الدمع وتخاف البعاد=من متى تقفي بك ظنون وتجيبك ظنون
صرت تاخذ كذبتي صدق، ومزاحي وكاد =لو بقول اني بخونك تحسب اني بخون
ماتعرف ان كل شاعر يهيم بكل واد=وانهم دايم يقولون مالا يفعلون
ابك انا لاقلت ابنساك وانكرت الوداد=والله اني مانسيتك وولاهم يحزنون
من جزع من صفعة الشمس يطمع بالبراد=ومن فقد وجهاته الخمس يلقى بك ركون
اعتبرها هفوة انسان او كبوة جواد =لو بتسمح فانت غالي ولو تجرح تمون
عد صداتك مروة وطعناتك ضماد =خلهن لاراحن طعون ولا ردن طعون
خنجرك يستاهل الطعن ومتوني شداد=ومنك يازين الخناجر ويا بخت المتون
ردلي حنية المزح باحساس الجماد =خلنا واحد يجي صلب والثاني حنون
موت فيني واندفن فيك بثياب الحداد =وان حييت أموت لرضاك واحيا بك بهون
مره ارقد بالكفن وانت ترقد بالمهاد =ومرة ارقد بالمهد وانت ترقد بالكفون
ادري ان شجونك شجون واعنادك عناد=والبلا ان عنادك عناد وشجونك شجون
ربك اللي سخرك لي تقود وما تقاد =والله الخالق ولله في خلقه شؤون
ازرع ضلوعي من رضاك وابشر بالحصاد=لعنبو من جيت ترضيه وترد امحزون
بس تسوالك بلد ؟ قول تسوالك بلاد =انت كل العالم بكون ولحالك بكون
مابعد محبتك حب ومرادك مراد =غير كونك سيد حشاي تدري من تكون
نعمتين اختصوا الخلق من جود الجواد =كافل الأرزاق من حيث مالا تعلمون
البنون ونعمة المال بعيون العباد =زينة الدنيا بلا شك في كل العيون
مثل زينة دنيتي بس عندي شي زاد =من عرفتك صاروا المال وانت والبنون
انتشي بك نشوة التيه لعناق الرشاد =وافزع الك فزعة القرم لشهاب الزبون
واحصنك تحصين الأرزاق عن درب الفساد =واعشقك عشق المظاليم لفراق السجون
لو تزيد الشوق جمرة تحولني رماد =لو يزيد العشق شعرة بوصل للجنون
خل هقواتك كبيرة ونظراتك بعاد =كانك انت بكبرك تهون من اللي ما يهون
ازعلك وارهن حياتي تحت رحمة زناد =تهبى لا والله الا انت والموت تهبون
عاد اذا ما ارضاك هرجي ولا اللي قلت فاد =اننا لله وانا اليه راجعون
وانت باكر بتعرف على ناس جداد =والكلام يجيك من كل شكل وكل لون
لاتحسب ان كل كلمة بتسمعها وكاد =ولا تصدق هرج شاعر وتخدعك الظنون
دايم اعرف كل شاعر يهيم بكل واد =وان هم دايم يقولون ما لا يفعلون
حتى انا اللي قلت اعشقك وما اطيق البعاد =يمكن اطلع ماعشقتك ولاهم يحزنون

حامد زيد
رااااقت لي

ريم

ابو الرجال 10-08-11 03:49 AM

رد: خنجرك يستاهل الطعن
 
ما اروعك ياحامد زيد
وما اروع من نقل لك الشعر
ريم لاهنتي على هذا النقل الرائع
تسلم يمينك

النمر الارقط 10-08-11 03:51 AM

رد: خنجرك يستاهل الطعن
 
ريم لاهنتي على هذا النقل الرائع
تسلم يمينك

ريم 11-08-11 03:02 AM

رد: خنجرك يستاهل الطعن
 
اقتباس:
المشاركة الأصلية كتبت بواسطة ابو الرجال http://www.alfredah.net/forum/ram-no...s/viewpost.gif
ما اروعك ياحامد زيد
وما اروع من نقل لك الشعر
ريم لاهنتي على هذا النقل الرائع

تسلم يمينك



ما اروع مرورك ابو الرجال ولاهنت

ريم 11-08-11 03:03 AM

رد: خنجرك يستاهل الطعن
 
اقتباس:
المشاركة الأصلية كتبت بواسطة النمر الارقط http://www.alfredah.net/forum/ram-no...s/viewpost.gif
ريم لاهنتي على هذا النقل الرائع

تسلم يمينك



الله لايهينك النمر تسلم


الساعة الآن 07:59 AM

Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By Almuhajir

Ads Management Version 3.0.1 by Saeed Al-Atwi

لتصفح الموقع بشكل جيد الرجاء استخدام الإصدارات الاخيرة من متصفحات IE, FireFox, Chrome

Security team

vEhdaa 1.1 by NLP ©2009


1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52