![]() |
سج الخلا دامك معافا وميسور... سج الخلا دامك معافا ومــــيسور =واضرب فيافي نجد واعرف ديرها كان الجدا بالوقت فالوقت مدحور =تلـــــــقا طويل اليوم والليله ارها ترا السنه تنثر من ازمانها بحور =ثلاث ميه واشــــــهرين بقمرها وان كانها الدنيا دنانير واقصور =كم واحدن حدر الثرا ما عمرها سج القدم واغنم من العلم بالشور =والانفس دواها مصارف بشرهـــا روحك لها يمناك مروا ودكتـــــور =ان شيت تتركها او ان شيت مرها راقب مجي سهيل مع شقت النور =عقب الفجر عينك جنوب بنظرها واليا عرض لك كنه تريك مشهور =ولــــم زهابك والنواقص اشرها جـــهز معاميلك وفرشه ودافور =جميعها العده وش اللي قصرها سيارتك هي عزوتك لو هي سبور =عاين عيار الزيت وافحص كفرها لا تهمل الاسبير واشتر لك سيور =لزومها ما يغبن اللي خــــسرها والمرقعه خذها وكنود ومـــاطور =على الله صدوف الدروب وخطرها ساير وساع الدو عن ضايق الدور =تقاصا بالبيدا وطاول بـــــــحرها رح للنفود وقاسي الحزم والقور =وادرج مع الضلعان لين محجرها شب اللهب من يابس العرن مكسور=حذرا عن المبرض بعالي شجرها واضرب على قاع النجر هيل منثور =واحمس هراري لين ياضح شقرها ازرع للاخرا وان سها القلب معذور =واقطف من الدنيا نواصي زهرها راق لي فنقل |
رد: سج الخلا دامك معافا وميسور... بدون ردود تجف المواضيع |
رد: سج الخلا دامك معافا وميسور... صح الله السانك ع النقل |
رد: سج الخلا دامك معافا وميسور... لاهنت على النقل والاضافه الطيبه |
رد: سج الخلا دامك معافا وميسور... شاكر لكم على المرور العطر |
الساعة الآن 08:32 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir