بديــــت بسم اللي له الناس سجاد= اللـــــي خلق خلقه وله يسجدوله
يا الله يامحيي مميتات الاضــــماد= عالم خفايى الغـــيب والسط الخيوله
الخالق المعبود هــــو رب الامجاد = منجي سفينة نوح بكل الحمــــوله
وبعده بديت القاف ببياتاً اجــــداد= ابيات ماقلتــــــه بسن الطفوله
طلعت انا شاعر وانا الان قصــــاد= شرح المــــعاني في بيوتي اقوله
بعض المواقف جيت الشعر بجـــهاد= وبعض المواقف تزدحم فــي هطوله
وبعض المواقف تاخذ الشعــر بقصاد= وبعض المواقف شعرها بزحـــوله
البارحه عيني عـــــن النوم تنحاد= والقلب عيى يستريح ابســـــهوله
والكبد عيت تهتني بكلة إلـــــزاد= والراس شاب بشـــوف شياً يهوله
والحال مثل الزرع لجــــاه حصاد= وأم النظر قــــــام يتبدل بحوله
بسباب كلمه بالتلفزون تـــــنعاد= ويكـــــــرره وبكل اذاعه يقوله
البرتقاله لبست الثوب وتــــــقاد= ترقص علــى المسرح ولاهي خجوله
والناس طــــربانه على غير معتاد= ترقص وتمسح فـــي يديها الرجوله
صار الولد والبنت في جمــع وافراد= البرتقاله لحــــــضرت يرقصوله
عجوز مع شايب ولافيه نقــــــاد= ترقص مــــع الشايب تقول مهبوله
البرتقاله قطعت ذكر الاجــــــواد= البرتقاله ذكـــــــرها يصهلوله
حتى الفواكه صار من بينها اعنـــاد= كـــــلاً تقول الثوب ليه اخصوله
البرتقاله قالت الثوب بــــــزناد= احب انا المكسي وارخي ابطــــوله
ترى الخضر تفاحتاً شكلهـــا نــاد= وسط الفواكه جالسه بالميـــــوله
تقول انا ثوبي به السلك منــــجاد= سلكاً حرير وربطتــــــه بسهوله
احب انا العارى والاحب الاحــــداد= ارقص على كيفي ولانـــي امعقوله
المشكله طالت وصارت لها ابعـــاد= كل الفواكه ناسنـــــا صفقـوله
راحت كرمتنا ولافيه نشـــــــاد = معاد بقي شي له يــلــعــبـوله