سلام يارجمٍ ليامنـي بغيـت أرتـاح أجيـه =أسلا عن هموم الزمن وادله وأوسّع خاطـري
أخير من ضعف الضعيف ومن سفاهات السفيه=اللي بعضهم فيه خصله من خصال الكامـري
ليت المنافق يلتزم بالصمت واللـي فيـه فيـه=بس المنافق يكشفه طـول اللسـان الثرثـري
أخفى الحقيقه واظهر الآخرى على باله نبيـه=مايدري ان الغدر لو يكتب وفاء مـا ينقـري
اللي مثل هذا صحيح النـاس ماتشـره عليـه=لكنّ مقطوع الرجـا منـه السلامـه تنشـري
إيّاك .. ثم إيّاك .. ثم إيّاك .. يالحـرّ النزيـه=إيّاك تاثق في رفيقٍ طول عمـره سرسـري
لو حدك الحظّ الردي على الردي لا ترتجيـه=كان الخيار الذلّ والا الموت مت وش تحتري
الموت ماهو موت مع موت المشاعر يافقيـه=أفقـه كلامـي يافقيـه ولا يهمّـك مظهـري
دوّر على اللي بالمواقف يحتويـك وتحتويـه=قدام يبراك الزمان اللـي بـرا حالـي بـري
وان كان قولي غامض ومجهول نادوا سيبويه =خلّوه يشرح لابن بطّوطـه كـلام البحتـري