|
الخلوج محمد العوني رحمه الله الخلوج قصيدة الخلوج لعبدالله العوني من أروع القصائد في تاريخ الشعر النبطي أترككم معها : خلـوج تجـذ القلـب بأتلـى عوالها=تكســر بعبـرات تحـطـم سلالها تهيـض مفـجـوع الضميـر بحسها=الى طوحت حسه تزايـد هـجالهـا لـه قلـت أنا يا ناق كـفى عن البكا=لا تبحثيـن النفـس عما جرى لهـا لا تفـجـعـيـن البال بـالله هودى=ولـى خـلـوج خـبث البين بالهـا تبكين فـرقـا بكرة شـدة العـرب=ضاعـت يمين البوش والا شمالهـا تجيك يا نـاق الخطـاء أو تجيـنـها=وان كـان ضاعـت لك بديل بدالها لكـن أنـا اليوم مـا تنعد مصاوبى=ولا علتي تبرا ولا ينشـكـى لهـا فلو البكاء يا نـاق عـنـى يحلـهـا=بكيـت بيـض أيامهـا مـع ليالها ولو البكاء يا نـاق يرجع لـغـايـب=بكيـت ليـن العيـن ييبـس ثمالها وأبكى على الا ثنين ما ذعـذع لهـوا=مدى الدهر لين النفس تلحق زوالها وأبكى على ما صاب نفسى وما جـرى=وابكى على فتخـان الأيـدي زلالها وأبكى عـلـى دار ربينـا بـربعهـا=معلـوم خشـم الرعـن من شمالها ومـن شـرق طعسيـن الأرخم تحدها=بين اللوى والسـر مااطيب سهالها دار بنـجـد جـنـة كـان قـبـل ذا=ومـن صكتـه غبر الليالى عنالها وصفـه مـن الخفـرات بيضا عفيفـه=يفوق كل البيض باهـر جـمالهـا حسـودهـا يغضـى الـى مـر حولها=مـن خـوف عيـال تـربوا بجالها هي امنـا وا حلـو مطـعـوم درهـا=غـذتنـا وربتنـا وحنـا عـيالهـا برور بنـا مـا مثلهـا يكـرم الضنـا=وصـول بنـا لكـن نسينـا وصالها تلقى علينا الجوخ والشـال فـوقـنـا=وهـي عاريه تبكى ولا احد بكى لها ولا أحد جزع من صيحتـه يـوم سبلت=ولا أحد نشد من بعد ذا وش جرى لها قـلـ‘ت آه واويـلاه يا خيبـة الرجاء=كيـف أمنـا تهضـم وحنـا قبالها يا طـارش مـن فـوق سراقـة الوطا=هميـم الى سارت ذعرها ظلا لها حـابـل ثمان أسنين ما مس خلفـهـا=ولا بركـت للشيـل جملـة حمالها إلى بـدالـي لازم قـلـت شــدهـا=واضبط عن الفـزات مقضب حبالها ولا تـعتنـى بالخـرج مـاذي بحزته=شل قربة واجعـل زهابـك عدالها فالـى شلت خذلـى بالرسن قدر ساعه=أبلغـك فـي دق المسـايل جلا لها والـى خـتمـتـه بالسـلام فحثـهـا=من دار(ابو جابر)سقى الغيث جالها اوصيك يا مرسـال بالسيـر والسـرى=واحـذرك نـوم الليل عينك ينالها إلى سرتهـا عشـر وخمـس معـرب=مـرواحـك (الشام ) منها منا لها والى جيت (سوق العصر ) ياتيك غلمه=تخثـع بـزينات البريسـم انعالها يقـولـون لـك ياصاح عطنا علومـك=بلـدان نجـد عقبنا وش جرى لها قـل كـل بلـدان القصيـم وغيرهــا=عن الخوف زاموا دون جاله رجالها مير داركم من عقبـكـم تنـدب الثرى=تبكى علـى الماضيـن واعزتا لها لعبوا بها الاجنـاب لا رحـم حيـكـم=والبيـض بالبلـدان شـتت لجالها شيابكـم تضـرب عـلـى غير موجب=من عقب كبر الجاه تنتـف سبالها أولاد علـى اليـوم ذا وقـت نفعـكـم=لا رحـم أبـو نفـس تتاجر بمالها أولاد عـلى أن الليـالـي قصـيــرة=ولا للفتـى غيـر الثناء من نوالها أولاد علـى اليـوم مـا هـوب باكـر=قومـو بعـزم الليث ماضي فعالها لا تتبعـون الهـون والعجـز والعسـى=أو ربمـا أو ليـت يعتـب سوالها جود ورجا يا ناس مـا هيـب عندكـم=هـذيك ما لحقوا هل القـول جالها وذى قالـه ما ينطـحـه كـود نــادر=اولاد علـى مـن بكـم قال انا لها ترى مركب الاخطار هـو مصعـد العلى=ولا يدرك المقصود غيـر احتمالها وترى بالسيوف المال والعـز والبقـاء=والجنـة الخضراء بخضـر ظلالها قـومـو براى الله واقـضـوا ديونكـم=أنتـم هـل القـالات ما أنتم رذالها مدام ( ابو جابر ) علـى العـز والبقـا=عنـا ثقيـلات الحمـول ارتكى لها الى أحتـرك سبـع القبايـل تحـركـت=والـى رسى ترسي رواسي جبالها قومـوا برايـه ثـم راي ابـو ثامــر=ابو كلمـة يافـي بهـا حين قالها عرق الصخا بحر الندى مرهـق العـدا=لااشتبـت الهيجـا تعرفـه رجالها هيـج سبـاع الحـرب بالبـر والبحـر=والشمس تشكـي منـه عجه ينالها ومصقـلات الهنـد تدعـي لـه البقـا=لـولاه كـان اصدت بغمده سلالها نشا مولع بالحـرب والضـرب مـاشكا=والخيـل والعيـرات تشكي هزالها مـن كثـر مامسـه على السير والسرى=مـن كثـر ماخاضت مهامه سهالها قـوي بـاس مايلـيـن الـى مـضـى=الى ضكته صعب الحمول ارتكى لها شـال الحـمـول الثقيلـه يـوم جدعت=عفى زمـول جدعتهـا وشـالهــا تذرى بـه السرحـان والفهـد والأسـد=مـن هـيبته كل وقـف في ظلالها اقـسمـت بالمـولى وبالنـور والصمد=واشهـد بسكاب المطـر من خيالها ماجابت الخـفـرات ( سعدون ) او مشى=مثله على وجه الوطا من رجالهـا من مثل ابو ثامر الـى ضبضب القـتـر=والخيـل زاد من البلنـزا جفالهـا لـه هـدة مـاقيـل ( ابـازيد ) هـدها=ولاعنتـر المشهـور ماقيل نالـها عـلـى سابـق تعطـى على مايريـده=ميتـم ضعافيـن القبايـل عيالهـا تلقى كـما لـطـم العـرانيـن فوقـها=من خوف عيـال تـذكر مجالهــا شبـيـبـة تلقـى مقاديـم حـربـهـا=وذا من قديم طبـع عمـه وخالهـا الى صاح بالمنشـا وسـاروا وسبلـواوردوا مثـل سيـل حدر من سبالها نشاما يرون المـوت هـو متجـرهـم=ومجـادل الفـرســان حدر جدالها ابلحـق انـا بعـض الشبيبـه ملامـه=وتكرم على شيـن الملامـه سبالها قـل كـيـف عبـدالله تعـدوه وابنـه=ملحـق قصيـرات السبايـا طوالها خـلا مسـاعيـر الصـريـف ترودهم=والضبعـة العـرجـا تنادي عيالها وهـم يـزرعـون العيش ماكن كارهـم=ويــلاه ياعيــن تزايد همالهـا لـولا ( ابو ثامر ) يـبـرد بـفعـلـه=فرض سنة الشغمـوم ميتم اطفالها سـنـة مهلهل عن كـليـب خـليصـه=فرضها (ابو ثامـر) وجدد اسمالها ذبـح بعـبـدالله شـيـوخ كـثيــره=مصابيـح ظلمـا بالدجى ينعنى لها ومـن عقبهـم ميـه وعشـرين لحيـه=ونفسه وعينـه ماقضى عشر مالها وان عاش (ابو ثامر) وساعف له الهوى=كـم خفرة ترمـي الغطا من هبالها تبكي قصايرهـا وتبكـي حليلـهـــا=وتبكـي مشافيقـه وترمي دلالهـا هـذا وتـم القـيـل والله بـه الرجـا=وصلوا على المختار مااهمل خيالها |
| الساعة الآن 02:00 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir