الفن وليفي يوم دورت الافكــــــــــار = وميزت ماجــا بالزمان وغدابـه
والبا بليت وصرت لنكب صبــــــــار = وابحسب اللــــــه في كل اجابـــــه
والتا ترى بالناس هلعــــاً وجبـــــــار = وفيهم كذوب وصنعتــــــه بالسبابه
والثا ثمر عقل الفتى طيب الافكـــــار = حسن الخلق والمراجل والحبابــــه
والجيم جار الوقت وادعاك محتــــار= مثل الصويب الي مجيده صوابـــه
والحا حمدت الله على كل ما صــــار = وشكرت جياب المطر من سحابــه
والخا خبر توه يا هل العرف الاخيار =كي الحصاني يفرسن الذيابـــــــــه
والدال دل النفس وجنب عن العـــــار= وظرب على درب الوفاء والنجابه
والذال ذله لا تلفض على الجـــــــــار= ياطــــــول مقفيت وقفت ركابــــه
والز زمانك لو زها منه غـــــــــــدار= كم واحـــداً خلاه مثـل الربابـــــــه
والسين ســــرك لاتودعه الاشـــــرار= تصبح كـــــم بيبان بيتك خرابـــــه
والشين شد الحيل في كتم الاســـــرار = والحل بيد اللـــه ماهيب نهابــــــــه
والصاد لا تصادق سفيهن ومكـــــــار= خلك بعيــداً عن عوالى اهضابــــه
والطا طواني ما طوى طوا الاطــوار= ولــي من المختــــار يا مرحبابـــه
والظا ظماناً بات فوق الاوبـــــــــــار= مير البخيت الي سليمــــــاً جنابــــه
والعين عـان اللــه على الفاسق الفــار= الى اذا جاء عامـــراً هو ضرابــــه
والغا غرقت بغب غبات الابحــــــــار= ما عاد اميز موجهــــا من ظبابــــه
والفا فلالي بالمضانـيك معيــــــــــــار= داري بهمـــــي دام نفسي دوابـــــه
والقا قدر ربي على كل الاقــــــــــدار= عزي زنـــادي مسنــدي والرجابــه
والكاف كف النفس عن بدع الاضرار = من لا يهاب النــاس محداً يهابــــــه
والميم ميلات الدهر والـدهر جـــــــار =كم واحداً حســب وضيع حسابـــــه