ياذآ الحمآم اللي على غصنك تنوح=النوح هذآ ويش قلبك لقى بـــــه
أبـ أنصحك مجروح ولـ قلب مجروح=وحنـّآ على نفس الجروح نتشـــــآبـــه
حتى لو أن قلبك لـ الأوجــآع مطروح=أضحك سعآدة لـ المسآ في غيــآبه
شف وآقعي من وقت وآضح ومشروح=ومن دون لآ تسأل تعرف الإجـــــــآبه
اللي يبي يرحل له البآب مفتوح=واللي يبي يقعد معي ( ياهلآ به )
مآفيه أغلى من ( غلآ الروح ) وبـ تروح=من بعدهآ مآني على النآس ( آبـــه )
اللي طعنـّي يوم قفـّـيت مسمـــوح=قلبي تعوّد على الغدر( لآ غرآبـــه )
واللي على ظهر الخشب حافظ ٍ نوح=إني مآبين النآس وكنـّـي بــ غآبــــــه
واللي تعرّى بـ الحكي وجآك مفضوح=مآينفعه لو هو يدبــّـل " ثيـــــآبــه "
الله وكيـلك من كثر مآبي جروح=لآ شفت لي طيـّـب أخآف وأهـــــــآبه