ضاق صدري وانت قاطعني شهـــر=والصبر لو طال قلي ويش جـــاب
الله اكبر ويش باقي ماظهـــر=دام في ظهر الوفا مغروس نـــاب
سقت لك عمري على كفي مهـــر=ودست من شانك على روس الصعاب
ولا كسبت إلا دموعي والسهر=ولا شكيت الا تباريح العذاب
ولا زرعت إلا من اشواقي زهـــر=ولا جنيت الإ مشاريه العتاب
الجفا في حق من حبك دهـــر=والوفا في حق من حبكسحـاب
كف جورك من طعوني ماطهر=وصدك المعتاد لازم يستتاب
الشتاء لاغبت شدبي الظهر=واستلذ عيون شوقي لك وذاب
واستباح ضلوع صدري وانصهر=وانفتح له في ضلوع الصدر بـــاب
يوم شفته في ضلوعك مزدهر=لايغيب ولا يموت ولايهــاب
جف شوقك يوم شوقي لك نهـــر=واستوى عندك حضوري والغياب
وكان ودك تعرف اشمعنى القهــر=القهر: لاصرت تطرد لكسراب