مجالس الفرده - *** شـفايــفك لـهـا ثلاثين عـام ولايزالن حــمــر ***

مجالس الفرده (http://www.alfredah.net/forum/)

- مجلس فضاء الشعر (http://www.alfredah.net/forum/alfredah4/)

*** شـفايــفك لـهـا ثلاثين عـام ولايزالن حــمــر ***

هذه قصيدة للشاعر / مـــدغــم ابــو شــيــبــــه

اتمنى ان تعجبكم ابناء العم الكرام

ياصاحـبـي لاتباطـيـتـك وقـلـبـي حـزيــن = رحت أنشـد الدالهيـن اللـي ( عليهـم تمـر ) !!
يامعشـر اللـي علـى ضـو القـمـر ساهـريـن = مامرّكـم عـود مــوزٍ فــي عـلـوّه ثـمـر ؟!
الحب مثل ( العبـاده ) .. و ( أنفـس المؤمنيـن ) = أشرّهـا مانـفـر .. وآخيـرهـا مــا أستـمـر
ياليـت روحـي علـى روحـك تــذوب وتلـيـن = وأنـا اتكـوّن سحابـه وأنهـمـر .. وأنهـمـر !!
نظـراتـك يعلـمـنّـي ضـحـكـة العاشـقـيـن = والا يكـتّـنّ فــي راحــة كفـوفـي جـمــر
بقـى مـن اللـي خذيتـه قلـب بيـن أصبعـيـن = وأن قلت : هاته .. ( مـن عيونـي وتامـر امـر )
وأن قلت لي : موقعي مـن عالـم الحسـن ويـن ؟ = بعـد الثلاثـيـن كــان الله عطـانـي عـمـر ؟!
اقـول : مزيـون وأشباهـك ماهـيـب أربعـيـن = أشباهك أثنين يا أمّـا ( شمـس ) والا ( قمـر ) !!
يكفي أنّـك أوّل ظبْـي ياخـذ مـن الصقـر عيـن = ومــن الـذلـول العمانـيّـه هـيـام وضـمـر
( معنّقـك ) شـبـر فــوق متـونـك وقفلتـيـن = و ( يديك ) منجم ذهب .. و ( شفاك ) حانة خمر .!!
مدري وش اللـي خـذا الله منْـك وأعطـاك زيـن = مـا لا عطـا فارعـات الطـول بيـض وسمـر !!
ماشفـت ( هالوردتيـن ) وشفـت ( هالجمرتيـن ) = لهـن ثلاثـيـن عــام ولايـزالـنّ حـمـر ..!!