يامل قلب كثـر الافكـار تطويـه=طي الحرير اللي طوتـه المطـاوي
قلب علـى التفكيـر الله مشقيـه=خلاني القلـب المشقـاء شقـاوي
قلب السانه كل حـزه ايقاضيـه=كثر عليه اللـوم مـع النخـاوي
العين تسهر ليلهـا مـن بلاويـه=خلاني أطوع من ذلـول الحـاوي
الله علـى روض نباتـه مزهيـه=قفر بـه الورقـاء تجـر الغنـاوي
قفر يضيع كـل هاجـس وينهيـه=شوفه ايريح من فـؤاده هـواوي
يرتاح به شخص كثيـره طواريـه=ماهو على لوعات الايـام قـاوي
سود الليالي بالمحابيـل ترميـه=رمية اقطامي على الجـول هـاوي
وقت الضحى راعيه باللوح يدعيه=زرق له الصيـاد فـرخ سمـاوي
دنياك هاذي كل شخـص تعاديـه=يمشي بها المبصر سوات العماوي
مايسمع النداه لـو هـو يناديـه=وضعه تغير بين هاوي وعـاوي
كل على طبعـه ونشـأة مباديـه=مايغيـر المبـدا كثيـر القـراوي
الطيب له نـاس تثمـن معانيـه=مايجلب الطـولات راع المنـاوي
اجزل عن اللي ماتسرك مماشيـه=لاصرت رجال على العرف قـاوي
لاصرت بلحاف الصداقـه تغطيـه=واليا زعل كثر عليـك الدعـاوي
لو يدهجه وبل السحايب ويسقيـه=عوده تصرم واصبح الجذع خاوي
ليا قام يتبع كـل شخـص يعشيـه=هذاك وصفه مثل وصف الضراوي
خلـه يولـي لاتعـزه وتغلـيـه=لو تجلس لحالك وحيـد خـلاوي
جود ابناء بيتك اليا صـرت تبنيـه=خلك على ساسه حريص شفـاوي
صاحبك عـزه لاتفتـش مخابيـه=حبل الصداقـه جـوده بالعـراوي
لاتنكر المعروف وارجع الماضيـه=لاتاخـذ الدنيـا بكثـر الهقـاوي
واللي يقدم لك نصيحـه تخاويـه=ياقف ويبعد عنك شـر الاهـاوي
خلك صحيب له بالخيـر تجزيـه=لاتصير رجـال غشيـم نحـاوي
اتعب على اللي كل ماحل طاريـه=جـزام حلحيـل حلـي النـداوي
دايم على الطولات تسمع حداويـه=تلوذ به لاوجست جـور قسـاوي
يشكر ثناء رب من المـال معطيـه=يفرح بشوفـه شاربيـن القهـاوي
الماء يسيل الياء انحدر مع مجاريـه=بالعين شاهدته ماهـو قـول راوي
والا الردي ماينبت النبت واديـه=روضه محل لو جاه سيل قصاوي
الخبـل خلـه لاتهمـك مزاريـه=خبل ولد خبل بـه سهيـل داوي
خبـل بمنطوقـه اكبـار علابيـه=بطانه وسيـع للرديـات حـاوي
لامفوح قـدرك ولاهـو بمحميـه=ولاخايف ربـه ولاهـو حيـاوي
جعل الولي عن ظاهر القاع يخفيه=عسى المره تزعج عليه النعـاوي
اسمع كـلام مـن كـلام منقيـه=الله يجنبنـا الـنـكر والـبـلاوي