مجالس الفرده - لو الوصايا ليا احتديت ! تنفعنـي

مجالس الفرده (http://www.alfredah.net/forum/)

- مجلس فضاء الشعر (http://www.alfredah.net/forum/alfredah4/)

- - لو الوصايا ليا احتديت ! تنفعنـي (http://www.alfredah.net/forum/threads/alfredah29858/)

لو الوصايا ليا احتديت ! تنفعنـي

ياللي جفيت وجفاك المـر .. ذابحني=عقبك وجيه البشـر .. ماني بدانيهـاً
من يوم حبك .. غزى القلب وتملكنـي=قطعت كل العلاقات وطواريهــاً
اقـرى رسايلك ودموعـي تسابقـنـي=وارد ! واقرى الرسايل .. واحتفظ فيهـاً
انت آخر انسـان هاقي منه يصدمنـي=والظاهـر ان هقوتي بانت مواريهــاً
لو الوصايا ليا احتديت ! تنفعنـي=ياكثر نـاس ٍ على ذودي بوصيهـاً
ليت الفـرح ( بنـك ) لاجيتـه يسلفنـي=واقاصده ( راحتـي ) وحقوقه اوفيهـاً
من كثر ماكنت ! جارحني وظالمنـي=قمت اعزل جروحك بقلبـي واسميهـاً
تـدري وش اللي يبكيني ويضحكنـي=انك محامي قضيتنـا وقاضيهـاً
تدري متى ؟ تعـرف قدري وتفقدنـي=لارخصت نفسك { لشخص ٍ مايراعيهـاْ }
بكـره الا هملوك الناس تذكـرني=وتقول عـزاه : عيني مـن يداريهـاً ؟
مدام غيـري ؟ علـى قلبك مشاركنـي=وش هو له ؟ اعلق الأمال وابنيهـاً
يكفيني انك رحلت ومنت عايفنـي=هذا عـزا النفس مـن كثـرة بلاويهـاً
اهديتك : دمـوع مـن طعنتـك تحرقنـي=وانت اللي تستاهـل الدنيا ومافيهــااً
واهديتني جرح .. موجعني ؟ وعاجبني=لن الهـدايـا على مقدار مهديـهـااً
صحيح ! ( حنا انتهينا ) .. بس صدقني=والله ان تبقى ( هوى روحـي ) وغاليهـاً
مفضوح ؟ راع الهيام .. ونظرته !! تغني=ملامحه واضحه ! , في وجهـه راعيهـاً
لكـل داء ٍ دوا .. لو هو متعبنـي=إلا محبتـك ؟ .. عيـت مـن يداويهـاً
ان قلت : علمني انسـى ؟ لاتعلمنـي=دنياي لامـن نسيتـك ويش تاليـهـااً
فارقتنـي وضحكتـك عيـت تفارقـني=والله يلعن ابو الفرقا وطاريهـاً
مقدر !! أفكر بغيرك ؟ .. وانت عارفنـي=عشان حاجه ؟ بقلبي .. مقدر !! أخفيهـاً
اخاف لاحبني غيـرك ؟ .. وعاشرني=يشوف صورتك فـي { عينـي } ويوحيهـاَ
نشدت عنك ؟ وسمعـت اللـي يفرحنـي=وارتاح صـدري مـن همـوم ٍ يحاتيهـاً
تبي تعرف ! وش ؟ على الفرقا مصبرني=انك بخير .. وحياتـك " مهتــنــي " فيهاً

رااااااقتلي...