مجالس الفرده - الحــب والشــوق والضيقات والصدة

مجالس الفرده (http://www.alfredah.net/forum/)

- مجلس فضاء الشعر (http://www.alfredah.net/forum/alfredah4/)

- - الحــب والشــوق والضيقات والصدة (http://www.alfredah.net/forum/threads/alfredah29214/)

الحــب والشــوق والضيقات والصدة

يـــــــاطول صبري عليه ومطول مدّه=والنفـــس مــــــابين مــــأمورة ومنهية
الحــب والشــوق والضيقات والصدة=حـــطت على وجــهي المغبون ماريّه
احـــدٍ زها له سواد الخال في خده=واحــــــدٍ بخده من هموم الدهر كيه
يقفي به الشـــــك صوب اللوم ويرده=واذا رجــــع مـــالقى الا رسمــة أثاريّة
وتزيد بـــــه ضيقة العشــــاق وتهـــده=يبكي عـــلى حـــاجة مــــاهي بمبكية
يـــــزل واقـــول: يمكن مــــــاهو بـوده=غلطة ويمـــــكن على مـــــاقيل عفوية
حتى ولــــو قــــالها قاصد ومن جده=يشفع لحــــاضر غـــرامه زين مـــاضيه
اعشقه واشتـــاق لـــــه اهــواه واوده=ومـــن الغـــــــــلا نسبة الملـــيون فالمية
ألــــــد عيني لكن مـــــــاهيب منلده=هـــــو اول الحـــب في عيني وتـــــاليه
غــــــر قلبي على النســــيان واحده=لاشـــك عيا من النســـيان مـــــوليه
عــــزي لحــــالٍ على فــــرقاه منحده=وعـــــزي لقلب الا من حــــل طاريه
يتوق توق الوحش في كف مــن هده=لاطـــــار مـــالد عينه صوب راعيه
ياشين فـــــــرقى اللذي تغليه وتوده=لاصــــــار حيي ولا تقدر على جيه
جعــــــــل ربي يصبرني على الشــــدة=لين مــــــــا يجتمع غـــــــالي وغــــــاليّه
لــو طال صـــبري عليه وطالت المدة=يـاحيي شــوفه قبل لاامــــوت ياحييه

رآآآقت لي