![]() |
ياصاحبى دونك عدوٍ ليا جيت ياصاحبى دونك عدوٍ ليا جيت=يلبس على البغض لبسة عباته اقفى الى شكيت وابعد الى اقفيت=ابغى لعل السو تمرح وشاته ابعاد حوم دون حذف ومشاخيت=والا فلا قلب سلى عن شفاته اليا توسع خاطرى واسفهليت=وتبعت هويات القدم وشهواته اما سمعت وشفت والا تحريت=فتق بقلبى فزته والتفاته خفيت ما يطرى ليالى ولا ابديت=جا هاجسٍ ما بين وده وهاته بي ولعة الصقار عدى وتصاويت=والا رضيع الديد يذكر لباته ورعٍ صغير وراحت امه عن البيت=مصطوم ملطوم قليلٍ سكاته ما غير هرجه من فواده تناهيت=تنهت المضيوم عند شرهاته قالوا جهلت وقلت بالجهل قريت=الجاهل اللى ما تذكر طراته كم ليلةٍ جا لى على ما تمنيت=الله يجهر لايمي بجهراته عساه مايوحى يقع يوحى الميت=وابكم صديقك ما يسوى سواته يلومني خبلٍ هروجه سفاريت=ما ذاق طربات الهوى وسفهاته انا الذى لو قالوا الناس سجيت=ما اسج لين القبر تركز حصاته كل النهار معبر المشى خريت=والليل كله نسهره ما نباته كني خلو ج تنهض الصوت وتهيت=وحوارها الراعى تعشى شواته لو صكه اللحاق واستحلق بخيت=تنكس عليهم لين تاصل مماته كنه ينقزها عن الرعى عفريت=والشرب منه تنقزه من صراته عبدالله حمود ابن سبيل |
رد: ياصاحبى دونك عدوٍ ليا جيت اخوي سهم الفريدي الف شكر على الايراد الجزل لاهنت |
رد: ياصاحبى دونك عدوٍ ليا جيت أخي القدير / سهم الفريدي .. تتميز دائما ً بروعة الاختيارات والمواضيع الراقية .. قصيدة معبرة , بمعان ٍ أجمل . تحيتي ووافر تقديري . |
رد: ياصاحبى دونك عدوٍ ليا جيت تسلم اخي ســهم ...... |
رد: ياصاحبى دونك عدوٍ ليا جيت سلمت ايها الشهم الفريدي دائماً شهما بماتنقل وتنشر بارك الله فيك تحيتي |
رد: ياصاحبى دونك عدوٍ ليا جيت مشكور ين اخواني تواجدكم اناار متصفحي واسعدني حضوركم الر ئع .. |
الساعة الآن 05:17 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir