مجالس الفرده

مجالس الفرده (http://www.alfredah.net/forum/)
-   مجلس فضاء الشعر (http://www.alfredah.net/forum/alfredah4/)
-   -   حذراك !!! (http://www.alfredah.net/forum/threads/alfredah28548/)

سهم الفريدي 27-02-11 01:39 AM

حذراك !!!
 

يا الله يـا اللـي نبتهـل لـك ونخشـاك=يــا خـالـق الدنـيـا ورافــع سـمـاهـا
يا واحـدٍ مـا هـي بتحصـى عطايـاك=الخلـق كــل الخـلـق مـحـدٍ حصـاهـا
الجود من جودك وعطفك وحسنـاك=يـا مستجيـب الداعـيـه فــي دعـاهـا
أنـت الكريـم اللـي نخـافـك ونــدراك=لــو لاك نفـسـي مــا تحـقـق منـاهـا
أنـك تثبتـنـي عـلـى غـايـة ارضــاك=عـبـدك ولا غـيـرك حيـاتـي ولاهـــا
سجـدت لـك يــا دايــرٍ كــل الأفــلاك=يــا غـايـة الشـكـوى ويــا منتهـاهـا
لــولاك يــا رب السـمـاوات لـــولاك=مـا تقبـل التوبـه عـلـى مــن نـواهـا
يـا العبـد مالـك غيـر ربّـك ومــولاك=كــل البـشـر تفـنـى ويمـحـى ذراهــا
اهْـو الـذي صـوّرك سـوّاك وأنشـاك=إعجـاز مـا وصـل البشـر مستـواهـا
لا تشمـت العالـم وتنـسـى خطـايـاك=احكم هوى نفسـك وحاسـب خطاهـا
حاسب ضميرك قبل لا تدفـع خطـاك=كـم مـن قـدم قلـب المشـقـى حفـاهـا
علـيـك بالإحـسـان والــرب يحـمـاك=مـن قــدم الحسـنـات يلـقـى جـزاهـا
شيطـان نفـسـك لا يـغـرّك ويـغـواك=قبلـك غــوى نــاسٍ وكــدّر صفـاهـا
من زمرة الطاغوت حـذراك حـذراك=لا تبتـلـي بـجـروح يصـعـب دواهــا
وإلى مشيت اعرف دروبك وممشاك=احرص على نفسـك وخالـف هواهـا
أمّــارةٍ بالـسـوء مــا هــي بتـنـهـاك=اقبـض عليهـا لـيـن يجـلـى صـداهـا
اقـطــع نـوايـاهـا بـديـنـك وتـقــواك=هـلّــل وعـنــد الله سـريــعٍ شـفـاهــا
والعيـن لا تنـظـر بـهـا مــن تـعـدّاك=المحصـنـه لــو تلتـفـت لــك وراهــا
اصبـر علـى همّـك وغـمّـك وبـلـواك=عـــف وتـعـفـف لا يـغــرّك حــلاهــا
واترك حرام القوت مـا هـو بيمـلاك=كــل البـطـون الجايـعـه مــا مـلاهــا
رشفة حلال اتسد جوعك ومضمـاك=تسـوى مشـاريـب الـحـرام وغثـاهـا
النـار فـي جوفـك وتصـلـى حنـايـاك=نــار الجحـيـم تـزيـد لـلــي وطـاهــا
واحـفـظ لسـانـك لا يـجـرك ويـبـلاك=اخــذ الثميـنـه لــو غـلـى مشتـراهـا
الهـرج ميـزانـك ويكـشـف خفـايـاك=كـلـمــة تـعـيـبـك لا تـبـيّــن نـبـاهــا
صون الكلام وصون نفسك ومبـداك=للنـفـس حشـمـة لا تفـصّـم عـراهــا
اصمت مدامك عـارفٍ سيـر مجـراك=لا تـنـقـل الـنّـمـة وتـبـحـث خـفـاهـا
يــزول قــدرك عـنـد أقــرب دنـايـاك=لـو هـو ولـد عـمّـك حيـاتـك جفـاهـا
واحلـم تـراه الحـلـم يـرفـع مـزايـاك=هــو سـيّـد الأخــلاق هــو مبـتـداهـا
وصّى به المبعـوث مـا هـو بيخفـاك=شفـعـيـنـا يــــوم الـمــلاقــاة طـــــه
خـل الجهـل لا تجعـل الغيـظ ياطـاك=تـرى الجهـل سـم القلـوب وعمـاهـا
وإلى ابتليـت ارفـع إلـى الله شكـواك=لا بـدّهــا الأيـــام تـكـشـف غـطـاهـا
اصبـر يزيـن الحـظ ويزيـن مـرمـاك=الله يـفـرجــهــا ويـــدفـــع بـــلاهـــا
لا تمنـع المـحـروم لا مــن تنـصّـاك=الناس لأجل الناس وأحسن عطاهـا
ابــــذل لــوجـــه الله والله يــجـــزاك=مثـل الغـروس اتطيـب للـي سقـاهـا
لا ضاع معروفك ولا ضـاع حسنـاك=إن كــانــهــا لله تــلــقــى جـــزاهـــا
جارك ولو هو جار تسقيه من مـاك=عـلـيـه لا تـرفــع يـديـنـك عـصـاهـا
أحسن جوار الجار لـو كـان يشنـاك=ترى العـرب تحشـم كـلاب اقصراهـا
بـكــره يـشــد ويـكـتـب الله فــرقــاك=عـسـاه يـذكـر جيـرتـك مــا نـسـاهـا
الظلـم شيـن ويجعـل الـنـار مـثـواك=راع الظليـمـه عيشـتـه مــا هـنـاهـا
فوقـك إلــه الـعـرش عـالـم نـوايـاك=ينظـر قلـوب النـاس وش محتواهـا
يسمـع بمـا تجهـر وعـارف خفايـاك=بأمره شروق الشمس ترسل ضياها
هـو عـالـمٍ غيـبـك وركّــب خـلايـاك=هـو خالـقٍ فـيـك الـعـروق ورواهــا
والضيف لـه حـقٍ إلـى حـل بحمـاك=قـلّـط ضـيــوف الله وأكـــرم لـحـاهـا
لا تحقـر الضيـفـان واتـشـح بـغـذاك=مــن مــا عـطـاك الله قـلّـط عـشـاهـا
وعليـك باللـي حـزة الضيـق يـفـداك=لا شـانــت الـدنـيـا ودارت رحــاهــا
لا من زهمته لو علـى المـوت لبّـاك=عينـي لجـل عينـك وروحــي فـداهـا
ترى الخوي نبراس روحك وملْجاك=لا كـلّـحــت بـقـعــا وزادت غـثـاهــا
حذراك من بعض المخاليـق حـذراك=بعض العرب مـا تفرقـه مـن نساهـا
تايـه وضـايـع بـيـن ذولا .. وذولاك=فـيــه الجـهـالـة واصـــلٍ منـتـهـاهـا


راشد ابن زميع

عبدالعزيز العبلان 27-02-11 01:26 PM

رد: حذراك !!!
 
يعطيك العافيه يالسهم

انتقاء جزل
تحياتي وتقديري لك

سهم الفريدي 27-02-11 07:20 PM

رد: حذراك !!!
 
اخوي / عبدالعزيز

تواجدك في متصفحي بصمة تواصل اعتز بهاا

مشكور لاهنت يا ابن عبلان ...

غازى بن عجاب أبوزوايد 27-02-11 07:44 PM

رد: حذراك !!!
 
الشهم
كعادتكـ شهم وستظل
لاهنت على النقل والنشر
تحيتي

سهم الفريدي 27-02-11 10:08 PM

رد: حذراك !!!
 
استاذي واخي القدير / ابو فيصل ... كلمات اعتبرهاا وساا م على صدري

من شاعر وناقد و انت منبع لشهاا مة لا هنت يا بناخي


اسعدني ويسعدني عندماا ارى تواجدك في متصفحي فأنتة تزيدة

شرف و طيبة ...


تحياتي

النمر الارقط 27-02-11 11:37 PM

رد: حذراك !!!
 
مشكوووووور والله يعطيك الف عافيه

سهم الفريدي 02-03-11 05:26 PM

رد: حذراك !!!
 
النمر الارقط / اسعدني تواجدك .. لاهنت عزيزي


الساعة الآن 03:46 PM

Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By Almuhajir

Ads Management Version 3.0.1 by Saeed Al-Atwi

لتصفح الموقع بشكل جيد الرجاء استخدام الإصدارات الاخيرة من متصفحات IE, FireFox, Chrome

Security team

vEhdaa 1.1 by NLP ©2009


1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52