حي الجواب اللـي لفانـي مسجـل=سجلت في صفحة حياتـي سجلـه
رسالـة منهـا ضميـري تزلـزل=والقلب هـاج وكـل همـاً دخلـه
ورحبت بالمكتوب من حيث ماحـل=ترحيبـةً تشفـي الكبـود المقـلـه
حزة وصلني صار قلبي لـه محـلل=حيـث ان هـذا منتهـاه ومحـلـه
ضليت خمس اشهور فيهـا اتامـل=حتىعرفـت اللغزوإختـرة حـلـه
واللي محيرنـي وخلانـي ابحـل=ازريت لاعرف صاحبي ويش ذلـه
وأخرت بالمردود من خوف لا عجل=والمعتجـل مـا تنقضـي حاجتلـه
والمشكله فيها اكثر النـاس تجهـل=والفرق واضح بين علـه... وعلـه
ثـلاث مـا ينـلام فيهـن اليـا ذل=لو ذلله منهـن شفـاء راس ضلـه
الاولـه سطـوة يمينـه اذا اغتـل=فـي ساعـةً فيهـا يعديـه غـلـه
الثانيـه زلـت لسانـه الـيـا زل=يفرح بهـا اللـي بالخطـا يستزلـه
والثالثـه درب العـوج مايتـعـدل=اللـي يوديـه الـدروب المخـلـه
يوم اتضـح ليـه مـراده هـواء خل=صاحب اللي بالهـواء مخلصنلـه
والله مالومـه لوعليـهـا تـولـول=يلومـه اللـي مانـزل منزلنـلـه
حيثي مجرب بالهواء الدق والجـل=ومجربـاً بالحـب دقــه وجـلـه
احياناً انجـح فيـه واحيانـاً افشـل=هواء شفـا مـا ينعـرف وجهتنلـه
لاكـن عسانـي بالـردود اتجمـل=وارضي عميلي والمكاسب رضنلـه
في ماتحوش النفس ما والله ابخـل=واللي يريـده صاحبـي حاظرنلـه
في مـال وإلا جـاه وإلا المصقـل=ماصد عنـه شـي وانـا قادرنلـه
راع الـزوم بـلازمـه مانتثـاقـل=عاده ولانـي مـن تـرك عادتنلـه
بضاعـةً فيهـا النشامـى تعـامـل=ما طول وسط اصدورهـم عاملنلـه
والحب يامساعد جروحه علىالكـل=كـم واحــداً قدامـنـا محتفـلـه
احداً علـى مـا ود قلبـه تحصـل=والوقت فـي مـا يشتهـي مقبلنلـه
وحداً محاصيلـه غرابيـل وعلـل=ردات حضـه والصـدوف اتحبلـه
على كـذا الدنيـا محابيـل وافتـل=حبـلاً تعقـد بـه وحبـلاً تفـلـه
تغيرت ماهـي علـى خبـرك اول=ناسً علـى اللـي تخبـره مستقلـه
عصر الهواء الماضي بروقه تشامل=اقفت علـى مزنـه هبوبـاً تجلـه
لـو تفعلـه فيـك الاوادم تـهـول=والكل منهـم شـاف بـك هولتنلـه
ارسلتني وانا علـى شانـك افعـل=غالـي علـي ومطلبـك جاهزنلـه
ركبت فوق اللي يجل الوطـا جـل=هو منـوة اللـي باغيـن دار خلـه
والله لـو لايـه علـيـه اتمـهـل=ياضنتـي مـا يلمـس القـاع كلـه
مشيت من عندك على ميلـة الظـل=وعصير عند ابو العيـون المضلـه
ممشاي ساعه بس لاكثـر ولا اقـل=ولو راح لجلـه موتـري فدوتنلـه
جيت الغزال اللي لها صرت مرسل=ومارأسلتنـي بـه يامساعدوصلـه
من يوم جيته شفت وجهـه تهلهـل=كنـه معلـم ويـش انـا جاينـلـه
عقب العشاء قـام الكـلام ايتبـادل=والكـل منـا ماحـكـى طايبـلـه
طالع وقـال الضيـف لابـد يسـال=يالله تحيـي ضيفنـا فـي محـلـه
وش جبت ياضيف المعازيب لي قل=واللـي تقولـه يافتـى مصغيـلـه
قلـت الامانـه يالغزيـل تـوصـل=من واحـداً قلبـه معـك مستحلـه
وحزة سمع ماقلـت والدمـع ينهـل=مثل المطـر مـن مزنـةًُ مستهلـه
قـال افتهمـت وطالبـك لا تكمـل=ترى الكـلام اللـي بقـاء محتملـه
امانتـك وصلـت وقلبـي لهـا زل=حنـا علـى عهـد الوفـاء مانملـه
وقلـه ترانـي مانـويـت اتـبـدل=بنيـت لـه بالقلـب تسعيـن فلـه
لا شك لا يبطي ترى الصبر طـول=هجره لنا طول وانـا صابـرن لـه
قلت ابشري يابـو مبيسـم معسـل=حقك عليه مـا اخـر العلـم لالـه
والضاهـر انـه يامساعـد تغربـل=واللي حصلـك يامساعـد حصلـه
هذي علومي واحسن القـول مـادل=زرعً زرعتـه جبتلـك كـل غلـه
والمعـذره كـاد ان ردي تـاجـل=يامرنـا اللـي كلنـا تحـت ضلـه