يالله يافـراج يـاوال الافـراج=يامبدلٍ عسـر الليالـي بلينـي
ياعايضٍ الواد السنة بتدمـراج=من غب سيله كل طلعه يبينـي
تفرج لمن بيته على الدرب مسهاج=وسط العرب ماكن حولـه قطينـي
وليا سرى من عندنا كل هـراج=يازين خبط الرقابهن هاضلينـي
قولة هـلا قـدام يلفـن الادراج=من خاطراً مافيه كنـه وشينـي
منارة خمـة حطبهـا بـلارواج=ونجراً صهيله يقعـد النايمينـي
مع دلتين فيهن البـن قـد راج=واربع اطباخ تنقه المضرمينـي
وسريت يم مربيت سمر الانعاج=واسوم بالمعروف لوهو حزينـي
وأن زودوله بالثمن قال محتـاج=وهذا ولد شاتي كبير وسمينـي
واخذتها مالي مع العذر منهـاج=يالله ياربـي لمثلـي تعيـنـي
تخاشرو ياللي سبح كـل بـلاج=وعقب الشفا حه عودو لليقينـي
تهرجوا لين اول الصبح مانبـاج=وتلاوحوا بظهورهـن راكبينـي
ريح الشحم معهم يعجعج تعجعاج=ومخضبات ارقابهن من يمينـي