البارحـه يـوم اكثرالعـالـم ارقــود=عادت علـي اللـي منيـن مـدري
الضيقه اللي كـل ماراحـت تعـود=مكانهـا مـا بيـن قلبـي وصــدري
ناس تنام مدهنة فـي دهـن عـود=و ناس تنـام مدهنـة بزيـت مقـري
لا واهني اللي حلالـه مـن الـذود=تسعين وضحى كل ماضاق يسـري
يسـج معهـا كـل ماهبـت الـنـود=يتبع مسيل السيل فـي القـاع يجـري
ماهوب مثلي من اقرب انسان مجحود=الله يسامـح مـن طعنـي بظهـري
من راح ماكنـه علـى القـاع موجـود=ما يدري انـه اول اسبـاب كسـري
كـل ماطرالـي قلـت مـن قـلـة الـفـود=ياليـت منهـو راح ماعـاد يطـري
لو تستحي مـن فعلهـا ايامـي السـود=كان استحت مبطي ولا طال صبـري
قدمـت بالموجـود لخـاطـر الـجـود=ليـن التفـت و لا بقـى شـي حـدري
عطيت من عمري و لا شفت مردود=يا للأسف للناس ضيعت عمري
و إذا افرحوا واجد علـى طيحـة العـود=هذا دليل انه فعل شـي يغـري
بوقف لحالـي . واتبـع الطيـب و الـزود=اشره علي ان صغـر الوقـت كبـري
ماني على بعـض المخاليـق محـدود=اموت مانزلـت للنـاس قـدري