ياسـلام الله عـدد ماركـّزت بيـض المخايل=واستعدت وابرقت ثــم ارعـــدت وارخت بردها
للرجـال اللـي لهـم فـالمعرفة تاريخ طايـــــل=يارواة القيل فـــي ذا الجيل شعري ماجحدها
حرب جيران الـوفا والطيب مهما قـــــال قايل=هي سند لسليم والسلمان فـالواجب سندها
حرب حـرابة دول فــــــــــازت بهـا بين القبايل=حرب لاثـار القبس منهو يبــــــي يلحق جهدها
حرب مـافيهم ليا جـا الماقف الغصاب مـــايل=حــــــــــرب لــو تبغى تنـول تنول مادار بخلدها
حرب وقت الكرب ظـل مريف لعيال الحمايل=مــــــن زبنها يبشر بعــــــــزه ولـو يذبـح ولدها
حرب لادارت رحــــــاة الحـرب عساف الاصايل=ماتهاب الموت لــــــــو يفنى علـى عده عددها
حرب لاشتد الـوطيس يقـال يـاطيب الفعايل=كفهـا كـــــف السبــــــاع وعينها يـذبـح لددها
مـن يعاديها بـراد الليل فـــــي صـدره قوايل=ليلته مثــــــل السنة تحفـــى جنوبه مارقدها
من يهادنها علـى وضح النقا يلقـى الجمايل=توعــــــده بالطيب والمعـــروف وتنفّذ وعـدها
تعجـز ابيات القصيدة فيك وتحـــار الوسايل=ياقبيلة سطّــــرت تاريخــــها وارست عمـدها
مـن يبـي منـي دليل اقــــول ياكثر الدلايل=من خلقها الله على الدنيا وهي تشبع بيدها
طيب ساس وطيب راس وباس فالميقاف هايل=لااحتمت بين القبايــــــل كنهـا تـاقف وَحَدْها
سلطني ياحرب وارسي نعنبوا جد الصمايل=كان مــاتصمل قبيلة حرب من يصمل بعدها
ميـزة الحــــــــربي ليامنه تعـزوى مـايحايل= وان شلع حـرٍٍ علــــى البيدا وجنحانه فردها
لــو وقف بينه وبين المجد عد الموت حايل= مانكس حتـى يشـــم الموت والجمة يردها
حرب حـرابة دول فـازت بهـا بين القبايل= يارواةالقيل فـي ذا الجيل شعري ماجحدها
قالها ولـد العميشي مــن هجوسٍ ماتمايل=والقصيدة مـــن تـراث سليم وافكاره مددها