البارحة جتني بها أحلام نايم=حلمٍ بعد ما طار ذقت الندايم
كنّي معاها شابكين الأيادي=نطرب على رنة هديل الحمايم
في روضةٍ فيها الخزامى تثنى=ريحه اتنفّه مقفيات النسايم
أشكي عليها ما جرالي من الهوى=وأسرار خفاقٍ على الود صايم
تضحك على شكواي وتقول هوّد=وشفيك تشكي ما ضياتٍ قدايم
مثل الذي صيده يشوفه بعينه=وينقله باثارٍ عثته السمايم
قلت إعذريني هالني ما جرالي=فالخود سُمّوا مهلكات العزايم
والحب أهله بدت الناس اسرى=تشوفهم ما بين طايح وقايم
قامت تفكر في وتشبح نظرها=بعيون قرناسٍ من الجوع حايم
قالت علامك يالمشقى حزيني=الوقت ماهو للمواليف دايم
واقفت .. تجاذب في يديها يميني=وتعوج لي عنق العنود المحايم
واقفيت معها طايعٍ مستجيبي=امشي على خطوة قدمها .. وهايم
وبنّا على روض ٍ بهرنا جماله=مصحي الأطارف واوسط الروض غايم
فاستدرجت واستقبلت نسمة الصبا=ورزة .. في نحرها زمايم
وزفّت جدايلها من الوجه ....=كما ذيل شقرا للعزاوي تهايم
قالت تفكر في جمال الطبيعة=وتشّر بيدها للشعاب الغتايم
شعبان قاعٍ علّها رايح الحيا=سيلٍ جرى خلّى القضوف اتّـلايم
تسعين ليل وبارقه يقلب النظر=وحس الرعود المدويات الرزايم
وقد ريحها يعتاك في مهمه الفضا=عطر الطبيعة صانعته الوسايم
مسخيٍ بها المعبود من باب رحمته=ربي عليم بخافيات الكتايم
قلت إ سمحيلي يا عنود الجزيرة=الزين ما هو للجبال الصمايم
فالقاع والاشجار وأصناف ذا البشر=وفي الجو وبحور اللجج والبهايم
ومن كلهم خذتي جماله وروعته=وضفتيه للحسن اللطيف المشايم
ما شفت جنسك في حياتي ودنيتي=ايضا ولا به من وصوفك علايم
فانتي الجمال بساحة الكون والحلا=ولغير زولك الحلا ما يلايم
طالعتها لـ البرق يلمع بثغرها=من مبسمٍ تزهاه ذيك الوشايم
تشرق ملامح وجهها بفرحة اللقاء=ولـِ عودها يرتز بشمٍ مخايم
مدت يديها لي وقالت جبا لك=ا.... مود ٍ لك ياراعي الغنايم
صدقت !!؟ ما صدقت إنها تقولها=ولـِ عروق قلبي من هواها صرايم
مدّيت يدي عادني با......=فزّيت ليني في حلا النوم نايم