![]() |
انا مع الطيـب مـدور للأعـذار للخيل ركابه ولو تغلـى الامهـار=لا ارخوا لاعنتها تجـي مسفهلـه والسابقة تظهر على كل مضمـار=والسيف ابو حديـن محـدٍ يسلـه الا الذي قلبه على الصعب جسـار=ان مالقـى حلـه بسيفـه يحـلـه وانا مع الطيـب مـدور للأعـذار=لو جاتني زله ولـو جـات خلـه ادمح خطا الطيب ولو صار ماصار=ما احاسبـه فالعلـم دقـه وجلـه كم كلمـةٍ منهـا يضيقـن الازوار=وكم من غليلٍ مابـرد حـر غلـه والنجم لو انه على الكـون سمّـار=محدٍ مدح نـوره سـوات الاهلـه والا انت ياللي بالمواقيـف ثرثـار=بعطيك علـم وجـود العلـم كلـه لاصار منت بند لطـوال الاشبـار=اقفايك ابرك مـن مصافـح مذلـه خذها نصيحة لاتدهويك الاشـوار=تصبح لخطـلان اليمانـي مزلـه الضيف مايقلط على طافـي النـار=واللي رضا بالـذل يجفـى محلـه ماعاد له عنـد المناعيـر مقـدار=لهم طبايـع والـردي لـه جبلـه لو كان يفرش له رياحين وازهـار=له مجلـس ماجملـه غيـر زلـه لاجاك فالمجلـس هبـودٍ وهـذار=كـم زلـة تبـدا وتقفـى بـزلـه جعله فدا من يكرم الضيف والجار=خطـلا يمينـه والمراجـل تدلـه ممـــا ر ا قـــــلي |
رد: انا مع الطيـب مـدور للأعـذار لاجاك فالمجلـس هبـودٍ وهـذار .. كـم زلـة تبـدا وتقفـى بـزلـه جعله فدا من يكرم الضيف والجار .. خطـلا يمينـه والمراجـل تدلـه صح لسان الشاعر عبدالله العصيمي وتسلم ياسهم على الأنتقاء الجزل |
رد: انا مع الطيـب مـدور للأعـذار صح لسان الشاعر عبدالله العصيمي وسلمت ودمت اخوى سهم الفريدي جزل ولاتأتي الا بالجزل لاهنت يالذيب تحيتي |
رد: انا مع الطيـب مـدور للأعـذار عبدالعزيز ابوفيصل مشكوورين اسعدني تواجدكم... |
الساعة الآن 05:29 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir