|
سلام يلي يرفع الراس طاريــــــك ...... قصيـــدة الشاعـــر سلمان ماشع العتيبي بالنقيب نواف بن لافي بن نفجان الشعبي الحربي. سلام ياللي يرفع الراس طاريــــــك=تاج على رأس ابن عمك يشيلـــــه مالحقو كبار الهقاوي هقاويــــــك=والنعم اخذته بالذراع الطويلــــــــه جمعتها هذي وهذي وهذيـــــــــك=رجوله ورتبه والأرياء دليـــــــــله الله يعز الشايب الي مسمــــــــيك=نواف يا نواف نعم القبيلـــــــــــه من خالك لجدك لعمك ليابيــــــــك=سلكن جليل من السلوك الجليلـــه والي يخطب اختك يدور بناخيـــك=يبا غلام (ن) مثل خاله يجيلــــــــــه بالساحل الشرقي تشرف مباديك=وبالساحل الغربي علومك جزيلـــه تشهدلك عتيبه وربعك تزكيـــــك=يا حيَك ويا حيها من فصيلـــــــــه كم واحدٍ يسمع بسمعتك ويجيـــك=مشتالن حمول الزمان الثقيلــــــه ويروح من عندك ما يقدر يجازيك=الله يجمل حال راع الجميلـــــــــه جاك العتيبي يا ابو لافي وناصيك=مشتالن حمول الزمان الثقيلـــــــه فيصل تجمل فالعبيد المماليــــــك=وانت تجمل فالحرار الاصيلـــــــه وتدري وش اللي يابو لافي يكفيك=رجال واحد تفتخربه قبيلـــــــــــه |
رد: سلام يلي يرفع الراس طاريــــــك ...... صح لسان الشاعر سليمان العتيبي ويستاهل نواف بن لافي الحربي ابوحمد الف الشكر على الأضافه الرائعه |
رد: سلام يلي يرفع الراس طاريــــــك ...... يعطيك العافية مشرفنا الفاضل ابو حمد |
رد: سلام يلي يرفع الراس طاريــــــك ...... صح بدنك ابو عمر شاكراً مرورك وتواجدك |
رد: سلام يلي يرفع الراس طاريــــــك ...... فزااااع يسعدنا تواجدك |
رد: سلام يلي يرفع الراس طاريــــــك ...... يستاهل نواف بن لافي الحربي وصح لسان الشاعر سليمان العتيبي وتسلم يمينك |
رد: سلام يلي يرفع الراس طاريــــــك ...... مـــن خــالــك لــجــدك لـعـمــك لـيـابـيـك====سلـكـن جلـيـل مــن السـلـوك الجلـيـلـه رائعة القصيدة وهذا البيت روعته زايدة تسلم أبو حمد اختيار متألق صح لسان قايلها |
رد: سلام يلي يرفع الراس طاريــــــك ...... ابوحمد صح لسان الشاعر يستاهل الممدوح يعطيك العافيه عللى الاضافه الرائعه لك ودي |
رد: سلام يلي يرفع الراس طاريــــــك ...... صح لسان الشاعر سلمان على هذه الدرة الثمينة يستاهل المدح نواف ونعم فيه ونعم بوالده الشاعر الكبير / لافي بن نفجان الشعبي هذا الشبل من ذاك الأسد وهكذا يكون الفعل الطيب يرفع سمعة القبيلة عند القريب والبعيد .. شكرا لك اخي ابو حمد على هذا الاهتمام والانتقاء الرائع والشكر موصول لصاحب العلم الغانم النقيب / نواف الشعبي مع وافر التقدير للجميع |
رد: سلام يلي يرفع الراس طاريــــــك ...... والله إني لاسمعت قصيده مدح بحربي إني أفز لهاوبالذات لاصارت من أجناب لإنها دليل على فعل العلم الغانم وشهاده يسجلها التاريخ صح لسان الشاعرسلمان العتيبي ويستاهل إبن العم نواف الشعبي المدح ولامدح إلا إنه كفو أشكرك ابو حمد على النشر تحيتي |
| الساعة الآن 09:53 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir