مجالس الفرده - أجمل قصايد خالد الفيصل

مجالس الفرده (http://www.alfredah.net/forum/)

- مجلس فضاء الشعر (http://www.alfredah.net/forum/alfredah4/)

- - أجمل قصايد خالد الفيصل (http://www.alfredah.net/forum/threads/alfredah27453/)

أجمل قصايد خالد الفيصل

أبيات للشاعر نا
سمو الأمير خالد الفيصل

من يقول الزين مايكمـل حـلاه=كل شي(ن) في حبيبـي اكتمـل
الله اللـي كملـه والله عـطـاه=مابقى للزين فـي خلّـي محـل
العيون أحلى من عيون المهـاه=شافها قلبي و صفّـق و احتفـل
نظرته من فتنتـه شعلـة حيـاه=والجفون من الحيا فيهـا كسـل
ساهم(ن) رمشه على الخد وسناه=كن لمعة وجنتـه ورد(ن) وطـل
الشفايا كنهـا جمـر الغضـاه=تحرس الريق المحلّى بالعسـل
والشعر ليل(ن) نقل حمرة مساه=أجعد(ن) حوّل على صدره همل
مايج من فوق متنـه ماطـواه=لون شلال(ن) مع المغرب نزل
وأنطلق جيده يماري في بهـاه=فوق مياس(ن) تعزّل واعتـدل
بالرشاقه فيه من ظبي الفـلاه=لي مشى كنّه على الروح انتقل
ريحته من كل زهـر(ن) منتقـاه=والزيـاده للخزامــــــى والنـفـل
صافي(ن) مثل المطر فوق الصفاه=باسـم مثـل البشايـر بالأمـل
جامع(ن) من كل زيـن منتهـاه=مستحيل الوصف في خلي سهـل
كايد(ن) ماهو يلين لمـن بغـاه=يرتفع عن كـل سقطـات الزلـل

رآآآآآآآآآآآآآآآآآآقت لي