فاء وراها زين ومن عقبها مد=وعين ورد الزين وع الزين شده
الشعر له أمجاد والبيت له مجد=ومن هو يروم يوصل الشعر مجده
الشعر له ميزه وفي ميزته عد=ياما شويعر إنجلب شعر ضده
لا تقسم الخفاق القلب ما يبد=وراعي البدايه في هوى الشوق بده
في فرق بين جبال وفي فرق في الند=سهل رقاها بس في الفرق مده
واذا تسن السيف في موعد الحد=رد السيوف ورد سيفك في غمده
خلك شجاع لا تعرف حر لا برد=لا برد حره ولا بعد حر برده
وانا فهمت الشعر هو ما يبي قد=إنت الذي ترفع له الشعر قده
إن فاض سيلك فايض السيل له سد=وســد يســد السد وســد يســده
وان كان المطوع ولا طاع وارتد=يا هي حسافه كيف طايع ورده
ما يرده إلا ناعس الطرف والخد=وده يحاول يوصــل الخــــد وده
إن جيت أطالع عيني بعينه تسد=بس يكفي اني شفت عيني بخده
هذي مشاعر شوق والحب والود=يبغي يغيب بعيد والشوق عنده
في بسمتك عزام يتفتح الــورد=كن المطر نازل على أوراق ورده
يا ما أضيع بشوق في ليل اسود=ويا ما يضيع الليل في شعر هده
يلعن مشاعر لا تجي مدة اليد=يوقف خفوقي يوم من بس مده
هذا بحرنا يساوي الجزر والمد=كلي تساوى بين جزره ومده
الشعر له أمجاد والبيت له مجد=وهذا يروم يوصل الشعر مجده
فاء وراها زين ومن عقبها مد=وعين ورد الزين وع الزين شده