![]() |
من يدفع الشينه يحصل بها طيب تعبت اعبر بالورق والمكاتيب=يمكن اسلي خاطري بالكتابه وابدع معاني صاغها الفكر ترتيب=تشرح خوافي ظامري بالتهابه من جور وقتن مارحم حالة الذيب=لو هو عوا مايستمع مادرابه عز الرخوم اللي تربت على العيب=نقالة الهرجه سواة الكلابه اللي سعوا بين القريبين تخريب=وتبالشوا من عقبها بالطلابه اصغار عقل ولو يبن بهم شيب=لوهم رجالن مامشوا بالعيابه من واقع الدنيا وكثر التجاريب=هات السؤال ودوك مني اجابه ان كانه الدنيا تولتك تعذيب=منهو سلم ياصاحبي من عذابه دنيا تدور وفعلها كالدواليب=ياويل منهو همها قد سطابه ياصاحبي اضحك ولوهي معاطيب=اجروح قلبك لاتبين صوابه خلك كما حيدن طويل المراقيب=من طول حده عانقته السحابه واعرف دروب المرجله والمواجيب=ماداسها كود الرجال الذيابه ومن يدفع الشينه يحصل بها طيب=اخير من بغض الاهل والقرابه والثقل بير وصافين بالمشاريب=احفظ لسانك تحتفظ بالمهابه والجار والعاني وايضا الاصاحيب=وصابهم دين النبي والصحابه احذر على الصاحب تزيد العذاريب=انصح خويك في سلوب الحبابه واعرف ترى لازارتك شارة الريب=راع الامانه ينذرك من حسابه ادع الذي هو يعطي العبد ويجيب=ربن كريم ولاتسكر ابوابه يقسم لك الجنه ويقضي المطاليب=وياقاك من نارن عظيم اشتبابه تم الجواب ونختمه بالتراحيب=والله يفرج همكم والكابه الشاعر مشل العذم الشمري |
رد: من يدفع الشينه يحصل بها طيب اخوى النمر الارقط صح لسان الشاعر/ مشل العذم الشمرى وسلم قلمك على النقل الموفق تحيتي |
رد: من يدفع الشينه يحصل بها طيب دنيا تدور وفعلها كالدواليب ياويل منهو همها قد سطابه ياصاحبي اضحك ولوهي معاطيب اجروح قلبك لاتبين صوابه اختيار جدا رائع تسلم يمينك النمر الأرقط وصح لسان قايلها |
رد: من يدفع الشينه يحصل بها طيب صح بدنك مشكور اخي ابوفيصل على المرور الجميل لك ودي |
رد: من يدفع الشينه يحصل بها طيب تسلمين اختي ميس يعطيك العافيه على المرور العطر لكي ودي |
رد: من يدفع الشينه يحصل بها طيب صح لسان الشاعر مشل وسلمت اناملك على حسن الاختيار وجمال الذائقة الشعرية استمر في الابداع فنحن نتابع روعة اختياراتك تقبل وافر التقدير |
رد: من يدفع الشينه يحصل بها طيب شكراً أخوي على الاختيار الرائع والجميل جداً |
رد: من يدفع الشينه يحصل بها طيب سلمت اخي ابو يارا شرفني مرورك لك ودي |
رد: من يدفع الشينه يحصل بها طيب العفو اخي ذعذاع الشمال |
رد: من يدفع الشينه يحصل بها طيب صح لسان قائلها وتسلم يالنمر على النقل |
الساعة الآن 03:12 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir