من قبل ألف وفوق أربعمئة عام= جوار بيت الله والأوضاع شينه
بالحقبه اللى تنتشر فيها الأصنام= فى ديرة تمسى وتصبح حزينه
يولد طفل ويعيش من ضمن الأيتام=هذى حياته فى بداية سنينه
توفت أمه وهو أبو ستة أعوام = شمال عن مكه جنوب المدينه
وأخذ سنين ومهنته رعى الأغنام= لمعاونة عمه على مايعينه
ثم راح من مكه يتاجر الى الشام= نعم الأمين يدير مال الأمينه
وأنزل عليه الله الآيات بإحكام=تفصل مابين أديان قومه ودينه
وردبها ذكر العلق والخبر تام=عن الرسول وكلنا مصدقينه
واللى يكذب به ترانا له أخصام=ونقابله بالبينات المبينه
الله خلقنا من علق وسط الأرحام= من نطفة (ن) أمشاج ماء وطينه
وهذا العلق ماشيف قبل المئة عام=الناس ماكانوا قبل عارفينه
قبل ( الميكرسكوب) معرفته أحلام=مافيه أحد بالكون شافه بعينه
إلين صور بالجرايد والأفلام=لاشافه المؤمن تزايد يقينه
وشلون يكشفه النبي هاك الأيام=يوم المكبر ماصنع منه عينه
حتى يعرف ويذكر أرواح وأجسام=تشبه علق كل المياه الأسينه
أقسمت ما قاله سوى رب الأنام = ياويلكم ويلاه يامكذبينه
وإن كان عند جهينه أيقن خبر تام= هذا الأهم من واحدن من مزينه

القديره


ميس الريم


مشكوره اخيتي على المرور العطر


تحيتي

اخوى


فريدي وفي



سلمت ودمت ولاهنت على المرور




تحيتي