مجالس الفرده - بـــسـم علي ملفي الوجيـة المفاليح

بسم الله الرحمن الرحيم

هذي القصــيده بمنـاســبة الحـفـل الـذي أقـامـه الشيــخ / علي بن هليل ابن مـــبـــروك في محافظـة الاسياح

لشـــيــوخ و أعيـــان قبيـلـة حـــرب

بسم علي ملفي الوجـــيــه المـــفـــاليـــح = ابن هــليـــل صـــاحــــب الحفـــــل يعنــــا

حفل جمـــع الســـالمـــي و المـســاريـح = عـلى المــعــزه والـتعــاضــد جمــــعنــــــا

يـا مـرحبـا بـشيوخ حــرب الـطحـاطيـح = مـعـهـم تــعـــلى شــاننــا و ارتفعنـــــــــــا

اشيوخنـا اللــي بالــمواقــف زحــازييــح = وقفـــاتهــم على شجـــاعـــة و معنــــــــا

إلــيـا مـــشــوا تبرالـهـم هبـة الريــــــح = عنهــــم ثمــينـــــات الســوالـف سمعنــــا

سبـــاع الرجـــال مســكتــين الــنـوابيـح = نـرضــا لـرضـــاهـم ولجزعــهـم جزعنـا

أهــل بيوتــاَ بالــقـــدايــم مــداويــــــــــح = يــذري ذراهـــا من تـــحرى فــزعنـــــــا

ياشيــوخنـــا يا مضمـديــن المجــاريـــح = فيــكــم تــزيــد آمـــالنــــا مع طمعنــــــا

أنتـــم ذرانـــا عن سمــوم اللوافيـــــــــح = عن رايــــكـم وقــت اللزم ماهــزعنــــــا

حنــا قــبيلــة حرب بعــاد مشــاويـــــح = مجـدٍ وســـع كــــل القبــايــل وسعنـــــا

امنــاصــرين الحـق منهج وتوضيــــح = مع الامـــام اللي مقـــامـــه رفعــــــــنـــــا

عبدالعــزيـز امتـزح الخصــم تتريـــــح = أعـــلى مـــثــل بــه يقـــتدى مجتمعنــــا

وحـــد قبايلــــنــا بتــضــامن وتصحيــح = وحنـــا لساعـــي داعــي الخــير طعنــــا

واليــوم دولـة علـم والعــلم تســليـــــــح = خضــنـــا ميــاديــن الشــرف ونتفعنــــا

من مــالنــا نغـيـث الشــعوب المشاحيـح = لحـل فيـــهـم كـرب قمنــا وفــزعـــنـــا

شعــبــاً ســعــودي للمــراجــل مشافيــح = بــسـوق العــوافــي ماشرينــا وبعنـــــا

نرقــــا سنــود بعالــيــات اللـــواليـــــــح = وبـأهـل الفتـن و أهــل الخـدع مانخدعنا

للـــشـر قـفـل وللفــضايــل مفاتيــــــــــح = على الشـــريـعة نهجنـــا ما بتـــدعنـــــــا

......................

الشـــاعـــر/ سعيــد بن عايض الحــربـــي