للطيب عند اللي يبي الطيب مدخال=حتى ولو مرقب هل الطيب عالي
الطيَِبه يسعى لها كل رجال =في ساحة الطولات ماني لحالي
اللي يجملني على كل الأحوال=وأجمل اللي في لزومي سعالي
لبيه ياحرب الدول يأهل الأفعال=ماهوب مني من قديم الليالي
لو ينطق التاريخ بأفعالكم قال=مافيه بالحربي غرور وتعالي
قوم بوجه الضيف سمحين الإقبال=هذي طبايعهم من أول وتالي
ووقت اللزوم رجالهم تقلب جبال=ياحظ من منهم رفيق موالي
قوم لهم عندي معزه ومنزال=وأنا أدري إني عندهم حيل غالي
ماهي كثيره لو قطعت من الأميال=لعيونكم ياكاسبين المعالي
لو كنت مبدع وأتفنن بالأمثال=من طيبكم ياكود يظهر خمالي
رحت أنشد التاريخ عن فعلكم قال=يآخي يكفيهم دخيل البلالي