مجالس الفرده - ياهيه يالي تهتني بالمشاريب **من صافي العلقم زماني سقاني..

اقتباس:
المشاركة الأصلية كتبت بواسطة الطرف الخجول http://www.alfredah.net/forum/alfred...s/viewpost.gif

الجرح ياخذله مع الوقت ويطيب
والقلب ينسى الجرح ويحب ثاني

المسأله ماهي بحاجة تجاريب
الي مشى بالدرب لازم يعاني

مجبور اكابر لو جروحي معاطيب
واخفي جروحي واتحدى زماني

لاكن تبيني انحني واعتذر عيب
ماني بمغتر حط نفسك مكاني

وفيت ماقصدي وراها مكاسيب
مع اني ادري مالبحرك مواني

لاكن قلبي لايودي ولا يجيب
ياما نهيته عن هواك وعصاني

الحب ماحشم طوال الاشانيب
والي خذا عكف الشوارب خذاني

خليت خلان الرخا والاصاحيب
وسريت مع ليل الفراق وسراني

ياهيه يالي تهتني بالمشاريب
من صافي العلقم زماني سقاني

لاتنتظر مني رسول ومكاتيب
انسى الغرام وحبنا والاماني

والله لابيعك واهدم الحب واغيب
وانساك وانسى عشرتك في ثواني

واللي بامره تطلع الشمس وتغيب
لامحيك وامحي جرتك بالمحاني

والجرح يلقى من يداويه ويطيب
والقلب ينسى الجرح ويحب ثاني

الطرف الخجول

قصدة جميله صح لسان قايلها

وصح اختيار ناقلها
مبارك بن حد يد