يـلـي عـلـى وجـهـي قريـتـي كــل صفـحـات الـشـقـى=إقـري وأنـا باكتـب قصيـدة واشعـل السـاحـة حـريـق
باقـي كثـر مــا راح والـلـي راح نـصـف الـلـي بـقـى=وان ماوصلـت لغايتـي بامـوت فـي نصـف الطـريـق
يابـنـت يــوم امـطـر غــلاك بقـلـب ضـيـدان وسـقـى=تدريـن وش سبـة شـقـاه وسـبـة الـجـرح العمـيـق ؟
شقـاه مــن يمـنـاه واســم الشـيـخ والنـفـس امحـقـى=والجـرح مـنـك يـاأعـذب العـذبـات يالـمـوت الرقـيـق
يـا بـنـت مــا دام الـبـدو تخـلـف هـقـاوي مــن هـقـى=وانـا بـدوي منـي يشـيـل مــن الـزمـن مــا لا يطـيـق
ابفـتـخـر حـنــا بـــدو نـعـشـق عـلــى وضـــح الـنـقـا=حـنــا بـــدو فـيـنـا الــولــد لـلـقـمـة الـعـلـيـا عـشـيــق
حـنـا بــدو فيـنـا الـولـد لـــو شـــاف مـوتــه مـاأتـقـى=حـنـا بـــدو فـيـنـا الـولــد يـرقــا ولـــو مـالــه رفـيــق
حـنـا بــدو فيـنـا الـولـد لا مــن رقــا .. رقــا .. رقــا=الـيـن يـوصـل غايـتـه لــو كــان فــي قـمــة طـويــق
يـابـنـت جـيـتـك والـثـمـن عـمــري ابـــي لـيـلـة لـقــا=يـمـا كـــذا والا بـــلاش مـــن الـصـداقـة والـصـديـق
وسـاعـة تبسمـتـي وشـفـت الجـمـر والثـلـج اصـدقـا=قلت أشهد أن الموت حق وصحت لك صيحة غريق
واعتقـت دمعـي والـزعـل والـحـزن لـرضـاك إعتـقـا=وأغفـت عيونـي فــي عيـونـك ياعسـاهـا مــا تفـيـق
وآمـنـت بالـلـي سـخــرك تـقـريـن صـفـحـات الـشـقـا=واشعلـت بـردي فـي دفـاك وشبـت السـاحـة حـريـق

يلي على وجهي قريتي كل صفحات الشقى=إقري وأنا باكتب قصيدة واشعل الساحة حريق
باقي كثر ما راح واللي راح نصف اللي بقى=وان ماوصلت لغايتي باموت في نصف الطريق
يابنت يوم امطر غلاك بقلب ضيدان وسقى=تدرين وش سبة شقاه وسبة الجرح العميق ؟
شقاه من يمناه واسم الشيخ والنفس امحقى=والجرح منك ياأعذب العذبات يالموت الرقيق
يا بنت ما دام البدو تخلف هقاوي من هقى=وانا بدوي مني يشيل من الزمن ما لا يطيق
ابفتخر حنا بدو نعشق على وضح النقا=حنا بدو فينا الولد للقمة العليا عشيق
حنا بدو فينا الولد لو شاف موته ماأتقى=حنا بدو فينا الولد يرقا ولو ماله رفيق
حنا بدو فينا الولد لا من رقا .. رقا .. رقا=الين يوصل غايته لو كان في قمة طويق
يابنت جيتك والثمن عمري ابي ليلة لقا=يما كذا والا بلاش من الصداقة والصديق
وساعة تبسمتي وشفت الجمر والثلج اصدقا=قلت أشهد أن الموت حق وصحت لك صيحة غريق
واعتقت دمعي والزعل والحزن لرضاك إعتقا=وأغفت عيوني في عيونك ياعساها ما تفيق
وآمنت باللي سخرك تقرين صفحات الشقا=واشعلت بردي في دفاك وشبت الساحة حريق