مجالس الفرده - الياذكرت افعال ربعي مع الناس

مجالس الفرده (http://www.alfredah.net/forum/)

- مجلس فضاء الشعر (http://www.alfredah.net/forum/alfredah4/)

- - الياذكرت افعال ربعي مع الناس (http://www.alfredah.net/forum/threads/alfredah25644/)

قصيدة مدح في قبيلتي قبيلة حرررررررررررب

قصيدة الشاعر

عبدالله بن زويبن المعمري الحربي

يمدح قبيلة حرب

----------------------------

اليا ذكرت افعال ربعي مع الناس
قام ايتزايد للمراجل حماسي

وقامت رقبتي ترتفع فوق نوماس
شوي والا ياصل الغيم راسي

قصرا" مثبتن ركونه على ساس
وبيت ٍ"مجود بالعمد والمراسي

يوم الرجال بماضي الوقت تنقاس
بالفعل ماهو بالرتب والكراسي

توسطوا من نجد ميدان الافراس
وتمركزوا مثل الجبال الرواسي

مسروح مزين العدا علقم الكاس
فزعاتهم تجلى السواد الطراسي

ودفانة الركبه طويلين الانفاس
لاصار بمنون الحبال أمتساسي

أفعولهم باللي لحده تعلاس
تحط بالكبد الطريه يباسي

كم خايع ٍ" داسوه قدام ينداس
كاسيه من بيض النواوير كاسي

مافيه غير الشقح والربد خناس
برق الحباري والقطا والغماسي

وذعذع لهم من ذاري العز نوماس
على ظهور مبعدات المماسي

حراير" عقب السرى مثل الاقواس
وخيل"يدقن الجلد بالسداسي

وتغنموا باللي تقلد بالاجراس
شم الشعاف اللي بهن أنقعاسي

يوم الفخر بالدرع والرمح والطاس
قبل يسود بنجد حكم" سياسي

عبدالعزيز الفيصلي قاسي الباس
جاها وحررها من الاختلاسي

وخلى السباع اللي يحكن الاضراس
تعلن له التوبه عن الافتراسي