مجالس الفرده

مجالس الفرده (http://www.alfredah.net/forum/)
-   مجلس فضاء الشعر (http://www.alfredah.net/forum/alfredah4/)
-   -   منت بردي حسبي على الوقت رداك (http://www.alfredah.net/forum/threads/alfredah25598/)

النمر الارقط 31-10-10 07:00 AM

منت بردي حسبي على الوقت رداك
 
بافارقك .. لو كان ما اختـرك فرقـاك.
..بافارقك .. وآنـا في رجـوى وصالـك



البعد لو به خير مـا كـان خـلاك ؟؟.
...تقطع مـن عيـون المحـب اتصالـك


ما اكثرك فالصده وفالوصل ما اشـواك.
...الكبر لله .. ( لا يغـرك جمالـك ) !!


خليتنـي للبعـد .. والبـعـد قـسّـاك..
..خلاك تنسى واحـد" قـد وفـا لـك ؟؟


سليت سيف الهجر ؟؟ كني من اعـداك.
....وذبحت شوق الروح شاللي جـرى لـك


العام مـا تصعـب الـى قلـت بلقـاك
.....واليوم من دون المواصيـل هالـك ؟؟


منت بردي .. حسبي على الوقت ردّاك
.....غير صفـاك / وطيبتـك / واعتدالـك

حاولت نسيانك .. وعييت لا انساك ؟؟.
....لا جيت ابنسى .. ذيب صدري عوى لك


لو انك بترجـع كثـر مـا آتمنـاك ؟؟.
....ما كان ذا حالـي .. ولا ذا بحالـك ؟؟


كثر الجفا وآنـا أستغفـر الله اشـراك
....حبك كفر بي .. لعنبو من صفـا لـك


خذاك مني البعـد مـا عـاد بقـاك ؟؟
.....لكن علـى قـول المثـل مـش حالـك


تدري وش اللي يقتل الشـوق يـا ذاك
....لاني بولد عمـك ولا ولـد خالـك ؟؟


الشوق برد .. ودافـي الوصـل لقيـاك.
....وثلج الجفا خـرب طريـق اللقـا لـك


علمتني حبـك .. وعلمنـي انسـاك ؟؟
.....لو كان مـن دنيـاي .. مابـه بدالـك



تبغي تضيق خاطري جعلـه فـداك ؟؟
.....مهوب انا اللـي يعاتبـك فـي حلالـك


طلبتني قلبي وانا قلـت لـك .. جـاك.
....والحين سو بخافقـي مـا بـدا لـك ؟؟



الشاعر حمد البريدي

نواف فارع 31-10-10 11:18 AM

رد: منت بردي حسبي على الوقت رداك
 
منت بردي .. حسبي على الوقت ردّاك
.....غير صفـاك/ طيبتـك / واعتدالـك

أخي :

النمر الارقط :

سلمت بـإبداعاتك .

ميس الريم 31-10-10 02:59 PM

رد: منت بردي حسبي على الوقت رداك
 
حاولت نسيانك .. وعييت لا انساك ؟؟.
....لا جيت ابنسى .. ذيب صدري عوى لك


النـــــــــمر الأرقط ابداعك لقط لقيط الحروف ثم لمم الكلمات وجمع العبارات
حتى اصبحت أبيات منقولة لنا
ما أجمل هذا النقل وما أحسن هذا الإبدرع

شــــــــــــــــــــــــ ـــكرا لك

غازى بن عجاب أبوزوايد 31-10-10 09:39 PM

رد: منت بردي حسبي على الوقت رداك
 
النمر الارقط


الله لايهينك يالذيب على النقل الموفق


صح لسان الشاعر وسلم الناقل دمت مبدعاً أخى



تحيتي

مبارك بن ناصر بن حديد 01-11-10 12:29 AM

رد: منت بردي حسبي على الوقت رداك
 
النمر الارقط

قصيدة جميله صح لسان قايله


وختيار اجمل دمت بخير

مبارك بن حديد

النمر الارقط 01-11-10 12:32 AM

رد: منت بردي حسبي على الوقت رداك
 
اخوي نواف لك كل الشكر على المرور الجميل
تسلم اخوي
لك ودي

النمر الارقط 01-11-10 12:34 AM

رد: منت بردي حسبي على الوقت رداك
 
اختي العزيزه
ميس الريم
مرورك شرف مصفحي اشكرك كل الشكر
دمتي بود

النمر الارقط 01-11-10 12:36 AM

رد: منت بردي حسبي على الوقت رداك
 
لاهنت ابوفيصل على مرورك العطر
منور اخوي
لك ودي

النمر الارقط 01-11-10 12:37 AM

رد: منت بردي حسبي على الوقت رداك
 
صح بدنك اخوي ابوناصر
يعطيك الف عافيه على المرور
لك ودي

عبدالله حمد الفريدي 01-11-10 12:48 AM

رد: منت بردي حسبي على الوقت رداك
 

منت بردي .. حسبي على الوقت ردّاك
.....غير صفـاك / وطيبتـك / واعتدالـك

حاولت نسيانك .. وعييت لا انساك ؟؟.
....لا جيت ابنسى .. ذيب صدري عوى لك


اخوي

النمر الارقط

بيض الله وجهك على النقل والاختيار الراااااائع


الساعة الآن 01:58 PM

Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By Almuhajir

Ads Management Version 3.0.1 by Saeed Al-Atwi

لتصفح الموقع بشكل جيد الرجاء استخدام الإصدارات الاخيرة من متصفحات IE, FireFox, Chrome

Security team

vEhdaa 1.1 by NLP ©2009


1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52