![]() |
مـــــــحماستي محماستي ما هيب مثل المحاميـس *** لا متن، لا ثقل ، ولاهـي خفيفـه حديدها كحلٍ فرش من قراطيـس *** أخيـر أسـام الشغدليـه منيـفـه ما نجس الصانع بها الطرق تنجيس *** متقاديٍ من ثقـل كفـه رصيفـه مثل المواطي في ظهور الطعاميس *** لخفاف زاهيـة الرسـن والسفيفـه بالطرق مسسها على النار تمسيس *** شبرٍ سعتها مثـل بـدر النصيفـه أهلال رابع راس يدهـا تهاجيـس *** أعنهـا عـن المهـار العسيـفـه أرهي لها الحب اليماني على القيس *** حب نظيف وطينـة أمـه مريفـه جفل النيا مالبّـس الحـب تلميـس *** مثل الزمـرد بالكفـوف النظيفـه وإلا عيـون منكسيـن الكبابيـس *** يوم اسجعت من بين أمانٍ وخيفـه ما غير ألمسّها على النار تلميـس *** لا عجل ،لا وني وضوي حفيفـه أصهر نياها مثل صهر المقابيـس *** يوم انطلق من ما الذهب راس سيفه وأكبها بمبـردٍ مـن لبـا خيـس *** ان كان ماهو من خشب من خصيفه ونجرٍ إلى حرك غدا له هجاريـس *** ارفع يدي قـدام يقطـف قطيفـه ويجي بجوفه مثل دق المراويـس *** يطرب له اللي ذاق فرقـا وليفـه أدقها بـه مـن تعـن الهواجيـس *** ويونس الخاطـر تقافـي قصيفـه تملا يده مقضب كفوف مخاميـس *** بين الثقل والخف يوجـف وجيفـه ومن النجر في خمرة صنعها ريس *** من ماركة بغـداد ماهيـب شيفـه مسلوبةٍ من كفلها سلـب نرجيـس *** تقطـع بفـوحٍ خنتـه راس كيفـه والى صفت زليتها في المعاريـس *** زلـولٍ تقـدم للنشامـا طريـفـه ونسوقها لأهل الفخر والنواميـس *** بيـضٍ شفايفهـا تشفـا بليـفـه فنجالها يطفي لهيـب الحواسيـس *** ماهي لكم ياهل النفوس الضعيفـه شربي لها أغلا من حكـم باريـس *** عندي وكلٍ رغبتـه روح طيفـه راشد بن جعيثن |
رد: مـــــــحماستي اخوى النمرالارقط الشاعر راشد بن جعيثن شاعر جزل وقصايده تعجبني ويعجبني كذلك نقلك الموفق لاهنت يالنمر على هالنقل تحيتي |
رد: مـــــــحماستي لاهنت اخوي ابوفيصل على المرور الجميل لك ودي |
رد: مـــــــحماستي اخوي النمر الارقط يعطيك العافيه دائما مبدع |
رد: مـــــــحماستي مشكور يا النمر ع القصيدة وصح لسان أبن جعيثن |
الساعة الآن 09:14 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir