![]() |
يـــــامل عين يا مل عينٍ في محاجـــــــيرها شوك **** والقلب به عن لذة الــــــــنوم تكـــاك لا دك في قلبي من الهم داكـــــــوك **** جاوبت طربات الحمايم على الـــراك عزي لحالك يا عزيز وأنا ابـــــــــــــوك **** كان الزمان اللي وطــــاني توطـــاك إفهم وصاتي يا عزيز وأنا ابـــــــــــوك **** دامك صغير وغاية العــــــلم يقــــراك تراه ما ينــفعك خالك ولا أخــــــــــوك **** لا صار ما تقضي لزومك بيمــــــــــناك وربعك ليا بان الخلل فيك عافــــــــوك **** أقرب قريب ٍ لك من الناس يشــــناك إن كثر مالك صدقواّ لك وطاعــــــــوك **** وإن قل ما بيديك شانت حلايـــــــاك لو تطلب الما عندهم كان ما أسقوك **** إبعد مزارك عن وطنهم ومـــــــــرباك وإن طاب حظك صدقوّا لك وحــــــبوك **** وإن بار كلن ما يبي غير فرقـــــــــاك وإلا إعترض لك من صروف الـنيا صوك **** كلن تبرا منك ماهــــــوب ويـــــــــاك هراجة المجلس إلى جـــــــيت وروك **** منازل ٍ تطرب نظيرك بدنــــــــــــــياك وإللا قضى منك اللوازم وخلــــــــــوك **** تفرقوا وأنت إحتمل كل ما جــــــــاك كنك سراج البيت للنور شـــــــــــبوّك **** وإلى إنقضى اللازم حدا الربع طفاك وألا كما ليمونة الحمض مصــــــــوك **** وإلا قضى منها الطعم فرغــــــــوا ذاك واللي يجي من رفقته ريب وشكوك **** إحذر عنه لياك تصدف بمـــــــــسراك وإلا جفوك أهل الوطن وإســـتخفوك **** قلّع غريسك منه وإهدم ركايـــــــــــاك تراك لو تنجع عن الربع صــــــعلوك **** أحسن من اللي تلتجي به وياطـــــاك عطهم وضيفهم إلا منهم جـــــــــوك **** وإغلق ضميرك لا تعلم بقصــــــــــــياك إن طبت ما حبوّك وإن عبت زالــــوك **** تمضي حياتك ناقل ٍ داك بريــــــــــــاك وإلى نفوك إمن الوظيفه وعافــــــوك **** خفتّ موازينك وكلن تهــــــــــــــــقواك وإصحى لخلان الرخا لو تغـــــــــالوك **** إعرف ترى أطيبهم إلى إحتجت يجفاك كنك خوي مقيط دهووك وأغــــــووك **** وحقك عطاك رشاك وأقفى وخـــــلاك وإحذر عن العلة ترى الحق مـــدروك **** مثل العمل يدركك ما منه فكـــــــــــاك وإن كان عدوانك على الضيق حدوك **** فإخصم طلابتهم بعجفاك وقـــــــــداك وإن كانهم لمشرّف الحق ماشــــوك **** ناظر مطاليع الفرج قبل مـــــــــــــبداك وإن طاوعوا شيطان الأنفس وهانوك **** فإصبر على البلوى ودفنك رزايــــــــاك زرهم تراك إلـــــــيا تونــــيت زاروك **** إن ما بديت لصاحب السو يبـــــــداك ما دامهم ما طاوعــــوا لك وعرفوك **** إضرب على الكايد إلى عمست رياك لو هذبوك إمن المصاوب وضــــدوك **** ما يذبحونك قبل تدني مــــــــــناياك وإحلم على الجاهل ترى الحلم مبروك **** وقم للضعيف اللي من الظيم ينخاك وإدمح خطاجيران بــيتك إلى أوذوك **** ترى القصير وحرمة الجار بحــــــماك عطهم لوازم حقهم لو تناســــــوك **** في كل ما يصلح لدينك ودنــــــــياك وقم للضيوف اللي لفوا لك وضافوك **** أغلى كرامتهم حجاجك وبشــــــراك وإعرف ترا مالك للأضياف مشــروك **** لولاه يطلب حاجته منك ما جــــــاك وقم للرجال إن رايعوا لك وحبــــوك **** وإحشم خويك وأكرمـه عند ملـــفاك وإلى إعتبرت بسيرة الناس كفــوك **** ما كثر من شي أتعبك ثم عـــــــناّك ولولا تبات بهمّ دنياك مظـــــــــنوك **** ما طاب لك ما دام لك وإفتــــهم ذاك لو يطلبون إخفايك الناس ما أخفوك **** الرجل مثل النجم في كل الأفــــلاك وصلاة ربي عدّ الأوراق والشـــــوك **** أو ناض براق ٍ وما هل ســــــــــــفاك على الذي ما فيه ريب ٍ ولا شكوك **** امحمد ٍ ما دك بالقــــلب دكـــــــاك الشاعر: سليمان أبن شريم ( رحمة اللة علية ) |
رد: يـــــامل عين وإلا جفوك أهل الوطن وإســـتخفوك **** قلّع غريسك منه وإهدم ركايـــــــــــاك تراك لو تنجع عن الربع صــــــعلوك **** أحسن من اللي تلتجي به وياطـــــاك عطهم وضيفهم إلا منهم جـــــــــوك **** وإغلق ضميرك لا تعلم بقصــــــــــــياك صح لسان الشاعر سليمان بن شريم وصح الاختيار والذوق ياسهم الفريدي يعطيك العافيه |
رد: يـــــامل عين اخوى سهم الفريدي الله يرحم الشاعر سليمان بن شريم المرى وسلم الله رأسك يالذيب على النقل الطيب تحيتي |
رد: يـــــامل عين يعطيك العافيه اخوي سهم على الختيار الموفق دمت بود |
رد: يـــــامل عين وإن طاب حظك صدقوّا لك وحــــــبوك **** وإن بار كلن ما يبي غير فرقـــــــــاك وإلا إعترض لك من صروف الـنيا صوك **** كلن تبرا منك ماهــــــوب ويـــــــــاك صح لسان سليمان الشريم وتسلم يمينك على النقلاخي سهم |
رد: يـــــامل عين أ بو حمد أبو فيصل النمر الارقط ميس الريم مشكورين ع مروركم الرائع والجميل وما ننحرم من تواجدكم تحياتي |
الساعة الآن 07:40 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir