|
ياهل النياق بدر الحويفي السلام عليكم ورحمة الله وبركاتة هاذي المشاركة قصيدة الشاعر /// بدر بن عواد الحويفي الحربي يقول الشاعر............ يـاهل النياق اللي عليهن تصكون من فضلكم لا تسجنـون البهايـم مافيه داعـي للبهايـم تحبسـون خلو عطايـا الله تـذّب الخرايـم اما عطوهـا حقهـا لا تشحـون ولا اتركوهـا مالكـم بالظلايـم بحقوقها اللي وافيـه لا تعيـون الله عطاهـا للصحـاري قوايـم والبل بها شجعان نجد يتعـزوون اللي وراهـا يجدعـون العمايـم مقدارها عند المناعير مضمـون يوم أنهـا بيـن القبايـل غنايـم ليت الذي تحت المقابر يشوفـون اللي عن البل جاهـدوا بالعزايـم اللي بميدان المعـارك يهوشـون يوم الرمك تعطي هجوم وهزايـم هذا وانا مالي على الناس قانـون وجهة نظر ما افرض عليهم لزايم واللي عطوها حقها ما يلامـون بعنايـة البـل مالحقهـم لوايـم |
رد: هذه قصيده لشاعر بدر الحويفي باهل البل صح لسان الشاعر العلم بدر بن عواد الحويفي وسلم القلم وصاحبه على النقل تحيتي |
رد: هذه قصيده لشاعر بدر الحويفي باهل البل صح لسان الشاعر العلم بدر الحويفي لوا للىي بالمقابر يشوفون اسعار البل اليوم غير وضعها تحسرو على اعمار اللي ماتو خلف عراقيبها الله المستعان مشكور اخي الناقل |
رد: هذه قصيده لشاعر بدر الحويفي باهل البل جزاكم الله خير الجزاء ورحم والديكم ووالديهم وغفر الله لكم |
| الساعة الآن 04:50 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir