|
حيل اللة أقوى حيل الله اقوى مابقى في يدي شيّ مافيه حل ٍ في يديني ذخرته حاولت .. لكن المحاصيل هيّ هيّ الطير طار ولا بقى الا شجرته وقفّت اشوف شويّ واغمّض شويّ واللي انكسر في خاطري ماجبرته لين الحقت شمسي على بارد الفيّ وشفت ان كل اللي جمعته خسرته من كثر ماعزيت ريقي عن الميّ ملّ الصبر من كثر صبر ٍ صبرته كم هقوة ٍ ضاعت على سكة الغيّ وكم حلم ف( تراب ) الحقيقه قبرته واقف .. وطعنات الزمن كلها فيّ وساقي لو انه كلّ مني كسرته بعد ماعاش اليأس في احساسي الحيّ اخوي .. لو هو صد عني عذرته مدري عن اللي كنت احسبه بقى ليّ اللي حزمت ابه الضلوع وذكرته اللي طوى حالي بحكم الهوى طيّ قصّر .. وانا كل الطريق اختصرته ماهو خطاء لاقلت ( تأمر على شيّ ) الا الخطاء لا اشتقت له وانتظرته الشاعر المبدع/ مشعان البراق تحيـــــــــــاتي سهم الفريدي |
رد: حيل اللة أقوى اخوى سهم الفريدي صح لسان البراق مشعان وسلم قلمك على نقل الجزل تحيتي |
رد: حيل اللة أقوى اخوي الغالي ابو فيصل صح بدنك ومشكور ع التواجد والأشادة ع القصيدة اللة يبض وجهك يا أبن العم تحياتي |
رد: حيل اللة أقوى واقف .. وطعنات الزمن كلها فيّ وساقي لو انه كلّ مني كسرته بعد ماعاش اليأس في احساسي الحيّ اخوي .. لو هو صد عني عذرته صح لسان الشاعر البراق وصح بدنك اخوي سهم الفريدي اختيار جدا مميز صراحه راااااااااقت لي دمت بود |
رد: حيل اللة أقوى اخوي ابوحمد مرورك بحد ذاتة وسام ع صدري مشكور واللة يبيض وجهك تحياتي |
رد: حيل اللة أقوى صح السان الشاعر وصح بدنك أخي على الأضافه الجزله |
رد: حيل اللة أقوى ابن مطيع سلمت ع مرورك المشرف والذي انار مصفحي تحيتي |
| الساعة الآن 03:13 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir