مجالس الفرده - وحده مـن الثنتيـن لابـد منهـا

مجالس الفرده (http://www.alfredah.net/forum/)

- مجلس فضاء الشعر (http://www.alfredah.net/forum/alfredah4/)

- - وحده مـن الثنتيـن لابـد منهـا (http://www.alfredah.net/forum/threads/alfredah25027/)

وحده مـن الثنتيـن لابـد منهـا

حمامةٍ تلعب مـن العـام بلحـون=وان جيت اجاوبهـا تغيـر لحنهـا
تبي تخلط اوراق وافنون بافنـون=تعلمت فـن الدجـل فـي وطنهـا
قربت منها قلت طيري على الهون=مالك ومال الـدار واللـي سكنهـا
قالت هذاك وقلت بالحفض والصون=عده مع اللي كفنـت فـي كفنهـا
طارت وهي تحمل لها غصن زيتون=رمز السلام وشرهـا فـي بدنهـا
هذا جزاء من ينكر العهد ويخـون=بعد قضب ذيك العهـود وضمنهـا
ماني براعِ الهون والمنزل الـدون=يا من نقض كل المواثيـق وانهـا
صدقٍ وتصديقٍ ومبـدى وقانـون=ما فاد يوم الطيبه اقفـى زمنهـا
ما كنت اصدق يوم كانوا يقولـون=ترى لابـدك يـوم تدفـع ثمنهـا
العام منزالك مـن القلـب للنـون=في منزل الاحبـاب تامـر وتنهـا
يشتاق لك قلبي وينقـاد ممنـون=قود الذلول اللـي تقـاد برسنهـا
واليوم منك اغسل يديني بصابـون=شانت محبتكـم وصديـت عنهـا
راعٍ الهوا لو قال مطعون مطعـون=وحده مـن الثنتيـن لابـد منهـا
ان ذاق لذات الهوا عاش مفتـون=وان ذاق لوعات المحبـه لعنهـا
................................................
الشاعر محمد بن مطر السميري