ارحبوا يالنشامى..
اليوم في آخر خطبة الجمعة دعا الإمام بدعاء الاستسقاء فسألت الله من فضله

وتذكرت هذه الابيات :

الجو جو إن كان بعــض العرب جـو =وإن كانهــم مــا جو مـــازان جوي
الارض خضرا والســما كنها نــو =والعشب في وسط الفياض متروي
يا ماحلى عقب المطر شبــّة الضو=وفنجال كـيــفٍ ينعش اللي مسوي
في حضرة اللي بالمراجل تربـوّ=صغيرهم بالطيب ما هـو ينـوّي
درب المراجل ما يبي ليت مع لوّ=ولا يبي رجـل ٍ لوجهـه يلـوّي
ما سووا الأصحاب يا صاحبي سوّ=ولا كل من تغبى المخاوى يخوّي
هذا حصان وقيل عن ذاك يا بـوّ=هذا بنـى بيتـه وهـذا يطـوّي
يا عاشق الأولى بعزمك لها قـوّ=عشانها خلـك لعزمـك مقـوّي
واللي عن الماضي بلحظة تناسوّ=في جوّهم وأنا بغلوي في جـوّي

ما تجيب الا الجزلات يا نواف

عوايدك ودروبك

سلمت يمناك على النقل الجميل الممتع

وقد قمت بعد اذنك بتنسيق المشاركة لحلوة

يعطيك العافيه


وصح لسان الشاعر الشبيعي راعي الغلباء


وسلم القلم وصاحبه على النقل


تحيتي

عيني وعلى راسي أبوعجاب
ويسلمولي ربعك الراشد كلهم اللي أنت منهم

أهـــــليــن أبوعــــبدالله
البناخي أنا وإلا أنت !!