الشاعر خلف المشعان
ياخالد الشتفان .. قلي وش الراي = ماغيرك لياحترت .. دورت رايه
:
:
رايك سراجي .. في دهاليز ظلماي= قبل الشعر يبحث خفاك .. وخفايه
:
:
كنت اول اللي يقتنص لي خطاياي =بس آخر اللي .. يفرحون بخطايه
:
:
ياكثر ماشكي لك .. وتسمع لشكواي= وياكثر ماشقيتك ، بسبة شقايه
:
:
قلبك على قلبي .. وممشاك ممشاي= كم لي بقلبك ماتزحزح .. غلايه
:
:
بالرغم .. من كثر الرفاقه بدنياي = إلا أنك اصدق ، من يلبي .. ندايه
:
:
يامحزمي بالوقت الاقشر ويمناي = ياعز من يدفع.. رضاه لرضايه
:
:
ماجيت أغني لك لجل تسمع غناي = ولاجيت أبرهن بالقصايد .. وفايه
:
:
جيتك لأنك عارف أقصاي ، وادناي= وابخص من عيوني بشوف اخويايه
:
:
تعبت ياخالد .. وجيتك من اقصاي = تايه .. ولاني عن نصايحك .. تايه
:
:
مرات أحس القاع .. تضحك على اخطاي = ومرات احس اخطاي .. تضحك ورايه
:
:
ماعدت اميز صف ربعي من اعداي = ياكم .. عدو .. كان أعز اصدقايه
:
:
ماكان يحلم في حياته بلقياي = وأقصى طموحه يوم يمشي معايه
:
:
واليالتقابي .. واكتشف طيب ملقاي :=. رقى على متني .. وهذا .. جزايه
:
:
مافادني ظني وطيبة نواياي ..!!=صرت الوسيله .. بعد ماكنت غايه
:
:
ياخالد الشتفان .. قلي وش الراي =ماغيرك الياحترت .. دورت رايه

المشاركة الأصلية كتبت بواسطة ابو عادل الفريدي (المشاركة 180401) صح لسان الشاعر خلف وشكرا الك اخوي ابن مطيع على النقل الجميل

المشاركة الأصلية كتبت بواسطة هموم (المشاركة 180433) صح السان الشاعررر ومشكوووور ع النقل والله يعطيك الف عافيه

المشاركة الأصلية كتبت بواسطة غازى بن عجاب أبوزوايد (المشاركة 180438) اخوى بن مطيع يعطيك العافيه وسلمت على النقل الموفق وصح لسان الشاعر خلف المشعان وياكثر اللى هو ذكر تحيتي

المشاركة الأصلية كتبت بواسطة النمر الارقط (المشاركة 180557) ابن مطيع والله اني تعبت ادوركلام وصفك فيه لانك اكبر من الجمله الي انا بكتبها صح لسان الشاعر وتسلم يمينك على النقل الرائع الله يحفظك