مجالس الفرده - ياطير في صوتك تباريـح وشجـون

مجالس الفرده (http://www.alfredah.net/forum/)

- مجلس فضاء الشعر (http://www.alfredah.net/forum/alfredah4/)

- - ياطير في صوتك تباريـح وشجـون (http://www.alfredah.net/forum/threads/alfredah24826/)

ياطير في صوتك تباريـح وشجـون

بسم الله الرحمن الرحيم
السلام عليكم ورحمة الله وبركاته

ياطير في صوتك تباريـح وشجـون
واكبر من شعـور الولـه والصبابـه

انا اشهدانـي منـك ياطيـر ممنـون
انـت الـذي ياطيـر يشفـي جوابـه

اسجع وانا علـي اجاريـك بلحـون
ماينقص المسحـوب غيـر الربابـه

كوسر وهات الي على البال بالهـون
الي علـى بالـي يجـوز العنـا بـه

انته وانا والحـال بالحـال مقـرون
اظروفنـا ياطيـر يمـكـن تشـابـه

ويش اسم صوتك يوم غنيت بفنـون
الحـل كلـه فـي حـروف الاجابـة

عز الله انـي فيـه ياطيـر مفتـون
اصبح على ذكره واحب المسـا بـه

القلب معه وبيـن اياديـه مرهـون
والعمر مـن دونـه قطعت الرجـا بـه

غلاه فوق الروح واغلا مـن النـون
واغلا من العمر اولـه فـي شبابـه

حبه يزيـد وباقـي العهـد مصيـون
ماينتقض والعهـد لـزم الوفـا بـه

ياطير انا اخترته والاجـواد يعطـون
علـى النقـا والحـظ ياطيـر جابـه

انا كريمن ما رضـا الغلـب والهـون
وانـا عزيـزن نــزه الله جنـابـه

ماني براعي خرص‎ ‎واوهام‎ ‎واظنـون
قناعتي عـن قـول غيـري مهابـه

امنت بالله واطلبـه وارجـي العـون
وانا احمـده حمـدن كثيـر حسابـه

مااوحيت هرج الي على الدبك يمشون
الـي يشبـون الفـتـن فالقـرابـه

ياطير لوامشي علـى مـا يقولـون
والله لتاكلـنـي جـيـاع الذيـابـه

القلـب ميـت والتوافيـق مـالـون
والعقـل نـص وراح كلـه نهـابـه

من سلـم المفتـاح فيديـن مجنـون
لايمنـع السـارق ليـا فـك بـابـه

والـي رزقـه الله بتفكيـر وعيـون
باسهل طريق يعرف وشهو صوابـه

الشاعر : بدر الحافي