|
يا عظيمة الشاعرالكبير((ضيدان بن قضعان)) يا عظيمه كل شيٍ له حـدود ولـه نهايـه لكن انتي ماوقفتي عنـد حـدّك ياعظيمـه . استلذّيتـي بطعنـاتـي واخذتيهاهـوايـه كن ما لك حربـةٍ توجـع وطعنـاتٍ أليمـه . آه ليتـك مـا تماديتـي بطعنـات البدايـه لين صار لكل طعنه فالحشـا معنـى وقيمـه . الله يبيحك ولكن كيف فـي أغـرب روايـه تكتبين الحب كذبـه والهـوى دقّـه قديمـه . وانتي اللي كل ما لـدّت عيونـك فالمرايـه ما لمحتي الا اليتيم اللي خذت قلبـه يتيمـه . واليتيمه فاليتامـى مالهـا حـق الوصايـه الوصيّه عودها الغـض ونوايـاه السليمـه . لكن انتي صار لك حق الوصايـه والولايـه واستبدّيتي وشدّوا البدو واضحيتـي مقيمـه . ما رحلتي لين حطّمتي بمـا فيـه الكفايـه عاقلٍ حب الجنون وصوت نارك في مشيمـه . استبحتي حرمة المجنون بـادراك وعنايـه والتفتّي له بعقلك وارتكزتي فـي صميمـه . امتلكتي غايته لو كـان مالـه فيـك غايـه وانتصرتي في عيونه واعترف لك بالهزيمـه . من كثر ما يعشقك ماقال لك بالحـب رايـه خايف الأيـام لا تطلـع عواقبهـا وخيمـه . في طريقك كل ماكنّه لمـس درب الهدايـه تاه ودروب الحيـاة المستقيمـه مستقيمـه . تايهٍ بصري ومـن جابـه لبيـت الله تايـه عذر من غمّض بعين وعينه الأخرى كريمـه . فدوتك مافات من ليّام واللـي عـاد جايـه يا بعد عمرٍ مخاسيره معك عنـدي غنيمـه . أنتي الفارع بقـد وجـد واسمـاء وكنايـه من عشق مثلك يجوز من الهوى وشداد ريمه . ليه لا وانتي بحسنك في ذوات الحسن آيـه لا ذهب لا ماس لا ياقوت لا احجارٍ كريمـه . شاعرٍ له مع هل الرايـات فالمرقـاب رايـه كل ماهبّـت هبوبـك فلّهـا قـدر وحشيمـه . سامحك من ألف باء الذنب الى مالا نهايـه واستباحك عن خطـاه وكـل طـقٍ بتعليمـه . يوم قلتـي أعطنـي حرّيتـي أطلـق يدايـه ما ذخر عن وجهك الا طعنتينٍ فـي صميمـه . |
رد: يا عظيمة صح لسان الشاعر ضيدان بن قضعان ... وسلمت يمناك على النقل يالنمر الارقط. |
رد: يا عظيمة أرى الابداع هنا مع الاخ النمر الارقط في تذوقه للشعر شكرآ أخ النمر |
رد: يا عظيمة اخوى النمر الارقط صح لسان الشاعر ضيدان بن منصور بن قضعان وسلمت ودمت على النقل ولي عتب لماذا لم تذيل القصيده بإسم شاعرها إحقاقاً للحق وحفظاً لحقه الادبي ؟؟؟ تحيتي |
رد: يا عظيمة اخي النمر الأرقط قصيدة رائعة وجزلة صح لسان قائلها وتسلم يمين ناقلها |
رد: يا عظيمة مشكوووووور والله يعطيك الف عافيه ع النقل للقصيده وصح السان الشاعررررر |
رد: يا عظيمة عايض المقطع رايانة العود غازي بن عجاب ميس الريم هموم شكركم جزيل الشكر على المرور العطر بتوفيق |
رد: يا عظيمة آه ليتـك مـا تماديتـي بطعنـات البدايـه لين صار لكل طعنه فالحشـا معنـى وقيمـه صح لسان الشاعر سلمت اخوي على النقل والذوق الرائع . |
رد: يا عظيمة شكرا اخوي ابوحمد على المرور لك فائق احترامي |
رد: يا عظيمة صـــح الله لسان الشاعر الكبير / ضيدان بن قضعان.. وسلم الله يدي ناقلها . .. . . . اُخي عوفيت |
رد: يا عظيمة اشكرك اخوي احمد على المرور العطر |
| الساعة الآن 07:28 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir